შეერთებული შტატების პრეზიდენტობის რესპუბლიკელი კანდიდატი დონალდ ტრამპი ოთხშაბათს მექსიკას ეწვევა, მას შემდეგ რაც ეს ქვეყანა მან საარჩევნო კამპანიის დროს არაერთხელ მოიხსენია აგდებულად. ამის შესახებ BBC წერს.
ტრამპმა "თვითერზე" დაწერა, რომ იგი მოუთმენლად ელოდება შეხვედრას პრეზიდენტ ენრიკე პენა ნიეტოსთან, რომელმაც ორთავე კანდიდატი, ის და დემოკრატი ჰილარი კლინტონი, დაპატიჟა მექსიკაში.
პენა ნიეტომ განაცხადა, რომ დიალოგი დაეხმარება "მექსიკელებს დაცულნი იყვნენ ყველგან, სადაც არ უნდა იმყოფებოდნენ ისინი".
თავისი საარჩევნო კამპანიის დროს დონალდ ტრამპმა გაკიცხა მექსიკელი ემიგრანტები, უწოდა მათ "კრიმინალები" და "გამპატიურებლები" და არაერთხელ გააკეთა მოწოდება იმის შესახებ, რომ პრეზიდენტად არჩევის შემთხვევაში ორ ქვეყანას, მექსიკასა და შეერთებულ შტატებს შორის დიდ კედელს ააშენებს.
მოელიან, რომ ოთხშაბათს, მოგვიანებით, ტრამპი არიზონაში თავის მთავარ სიტყვას წარმოთქვამს ემიგრაციის შესახებ.
როოგრც BBC წერს, ბოლო დროს ჩატარებული გამოკითხვების მიხედვით, დონალდ ტრამპი მთელი ქვეყნის მასშტაბით და მთავარ შტატებშიც, ჩამორჩება ჰილარი კლინტონს, რომელსაც განსაკუთრებულად ძლიერი მხარდაჭერა გააჩნია უმცირესობებს შორის.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.