დიდი ბრიტანეთი, ევროკავშირის დატოვების წინ, უნდა მოემზადოს „რთული დროებისთვის“, - განაცხადა პრემიერ მინისტრმა ტერეზა მეიმ.
BBC-ზე, ანდრიუ მარის გადაცემაში საუბრისას, მეიმ თქვა, რომ ევროკავშირთან ფორმალური მოლაპარაკებები 2017 წლამდე არ დაიწყება. მან ასევე გამორიცხა ვადამდელი არჩევნების ჩატარება, აღნიშნა რა, რომ დიდ ბრიტანეთს „სტაბილურობა“ ესაჭიროება.
ჩინეთში დიდი ოცეულის სამიტზე გამგზავრებამდე მეიმ განაცხადა, რომ ევროკავშირის დატოვება არ იქნება „მარტივი გასვლა“, მიუხედავად იმისა, რომ რეფერენდუმის შემდეგ დიდ ბრიტანეთში პოზიტიური ეკონომიკური მაჩვენებლები დაფიქსირდა.
„ჩვენ გვქონდა საკმაოდ კარგი მაჩვენებლები და იმაზე უკეთესიც კი, რასაც ზოგიერთი პროგნოზირებდა. მე არ გაჩვენებთ თავს, რომ გასვლა მარტივი იქნება. მე ვფიქრობ, რომ მზად უნდა ვიყოთ იმისათვის, რომ შესაძლოა, წინ რთული დრო გველოდოს. მაგრამ მე ოპტიმისტურად ვარ განწყობილი“, - აღნიშნა მეიმ.
მან დაჟინებით განაცხადა, რომ ქვეყანა ევროკავშირის დატოვებით „წარმატებას მოიპოვებს“ და დაამატა, რომ იგი ასევე ოპტიმისტურადაა განწყობილი ბრიტანეთის ევროკავშირის დატოვების შესაძლებლობებში.
პრემიერ მინისტრმა თქვა, რომ მას უნდოდა „დამოუკიდებელი ბრიტანეთი, მსოფლიოში თავისი საკუთარი გზის გამომჭედავი“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.