სამხრეთ კორეას აქვს გეგმა მიწისაგან პირისა აღგავოს ჩრდილოეთ კორეის დედაქალაქი, თუკი ის აჩვენებს ბირთვულ თავდასხმის რაიმე ნიშანს. ინფორმაციას ამის შესახებ BBC ავრცელებს.
როგორც BBC იუწყება, სამხრეთ კორეის ახალი ამბების სააგენტო „იონჰაპს“ სამხედრო წყარომ განუცხადა, რომ ფხენიანის თითოეული ნაწილი „სრულად იქნება განადგურებული ბალისტიკური რაკეტების და ასაფეთქებელი ჭურვების მიერ... ქალაქი ფერფლად იქნება ქცეული და გაქრება მსოფლიო რუკიდან“.
„იონჰაპს“ ახლო კავშირები აქვს სამხრეთ კორეის მთავრობასთან და იგი საზოგადოებისაგან ფინანსდება.
ფხენიანმა კვირას პასუხი გასცა სეულს და სამხრეთ კორეიდან გაჟღერებულ მუქარას „უაზრო და ძალზე სასაცილო უწოდა“.
ჩრდილოეთ კორეამ ის წინათ განაცხადა, რომ მან უკვე მეხუთედ, წარმატებით განახორციელა ბირთვული გამოცდა.
სამხრეთ კორეის ოფიციოზი დარწმუნებულია, რომ ეს არის ყველაზე დიდი ბირთვული გამოცდა, რაც ჩრდილოეთ კორეას დღემდე განუხორციელებია.
სამხრეთ კორეის პრეზიდენტმა პარკ გეუნ ჰაიმ მას "თვითგანადგურების" აქტი უწოდა, რომელმაც ლიდერ კიმ ჩენ ინის "მანიაკალური უგუნურება" აჩვენა.
ბირთვული ტესტის ბიძგები ჩრდილო კორეის ბირთვული გამოცდის ადგილმდებარეობაში 5.3 მაგნიტუდის მიწისძვრის მსგავსი იყო.
ანალიტიკოსები შიშობენ რომ აქედან შესაძლოა ახლო ნაბიჯი იყოს გამოყენებისთვის ვარგისი ბირთვული იარაღის შექმნამდე, წერს BBC.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.