მუნიციპალური განვითარების ფონდის აღმასრულებელმა დირექტორმა, ჯუანშერ ბურჭულაძემ, ხობში დედათა მონასტრის ტერიტორიაზე არსებული ისტორიული სასახლის სარეაბილიტაციო სამუშაოები დაათვალიერა.
მუნიციპალური განვითარების ფონდმა მუშაობა 2015 წლის მიწურულს დაიწყო და მალევე მიწისქვეშ აღმოაჩინა უძველესი ნაგებობების ფრაგმენტები, რომლთაც კულტურული მემკვიდრეობის დაცვის სააგენტო სწავლობს.
მუნიციპალური განვითარების ფონდის ცნობით, ხობის მონასტერი აშენებულია XIII-XIV საუკუნეებში. იგი შემოსაზღვრულია გალავნით, რომლის დასავლეთ ნაწილში ჩაშენებულია ორსართულიანი სასახლე, რომელიც სანახევროდ დანგრეულია და შემორჩენილია მხოლოდ გარე კედლების ნაწილები. პროექტი ითვალისწინებს სასახლის სრულ რეაბილიტაციას - აღდგება მორღვეული კედლები, სართულშუა გადახურვა, ორქანობიანი კრამიტის სახურავი. სართულებზე მოეწყობა იატაკები და კარ-ფანჯრა.
სამუშაოები კულტურული მემკვიდრეობის სააგენტოსთან თანამშრომლობით მიმდინარეობს და სახელმწიფო ბიუჯეტიდან ფინანსდება.
როგორც მუნიციპალური განვითარების ფონდში აცხადებენ, კულტურული მემკვიდრეობის ძეგლის შენარჩუნების საკითხს სახელმწიფოებრივი და საზოგადოებრივი მნიშვნელობა აქვს.
„რეაბილიტაცია არა მარტო უზრუნველყოფს კულტურული მემკვიდრეობის ძეგლის დაცვას, არამედ ხელს შეუწყობს ხობის მუნიციპალიტეტში ადგილობრივი ტურიზმის განვითარებას“,-აღნიშნავენ უწყებაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.