მოსკოვში, გოლიანოვოს რაიონში, პლასტმასის პროდუქციის საწყობში გაჩენილი ხანძრის ჩაქრობისას, ჭერის ჩამონგრევის შედეგად 8 მეხანძრე-მაშველი დაიღუპა.
„რია ნოვოსტის“ ცნობით, ხანძარი 4 ათას კვადრატულ მეტრზე გავრცელდა. მის ჩაქრობაში 160 მეხანძრე და 46 ტექნიკური ერთეული იყო ჩართული.
დაღუპული მეხანძრეები სახურავზე მუშაობდნენ, რათა არ მომხდარიყო იქ დამონტაჟებული გაზის ბალონების და კომპრესორების აფეთქება, რა დროსაც ჭერი ჩამოინგრა, რომელშიც მეხანძრეები მოჰყვნენ და ადგილზე დაიღუპნენ.
ხანძარი ამ დროისთვის ლოკალიზებულია.
ფაქტზე აღძრულია სისხლის სამართლის საქმე სახანძრო უსაფრთხოების წესების დარღვევის მუხლით.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.