ჩრდილო კორეამ ორი ახლო მოქმედების სარაკეტო ჭურვი გაუშვა ზღვაში, რითაც აშშ-სამხრეთ კორეის ყოველწლიური ერთობლივი სამხედრო წვრთნების მიმდინარეობა გააპროტესტა.
სამხრეთ კორეის სამხედრო უწყების განცხადებით, ორი 450 კილომეტრზე მოქმედების სარაკეტო ჭურვი დასავლეთში მდებარე ქალაქ ნაპოდან გატყორცნეს ზღვისაკენ, კორეის ნახევარკუნძულის აღმოსავლეთით.
ამერიკა- სამხრეთ კორეის ტრადიციული ერთობლივი სამხედრო წვრთნები, რომელშიც ათიათასობით სამხედრო პირი მონაწილეობს, ყოველთვის ფხენიანის გაბრაზებას იწვევს.
სეული და ვაშინგტონი კი სამხედრო წვრთნებს თავდაცვითი ბუნებისად აღწერენ. კომპიუტერით მოდელირებული წვრთნები 12 დღე, სახმელეთო საზღვაო კომპონენტებისაგან შემდგარი წვრთნები კი 8 კვირა გრძელდება.
ჩრდილო კორეის სამხედრო უწყებამ ამერიკა-სამხრეთ კორეის ერთობლივი წვრთნები ეროვნული სუვერენიტეტის „შეუნიღბავ ხელყოფად“ შეაფასა და აღნიშნა, რომ აგრესიასთან გამკლავება მხოლოდ „ულმობელი დარტყმით“ არის შესაძლებელი.
აღსანიშნავია, რომ 2014 წელს სამხედრო წვრთნებმა საგრძნობლად წყნარად ჩაიარა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.