გარემოსა და ბუნებრივი რესურსების დაცვის მინისტრი გიგლა აგულაშვილი იმერეთის რეგიონში იმყოფებოდა, სადაც გელათის მიმდებარე ტერიტორიაზე დაზიანებული ბზის კორომების შეწამვლითი სამუშაოები განხორციელდა.
სამინისტროს ცნობით, ენტომოლოგებმა მინისტრს დაზიანებული ბზის დამუშავების პროცესი ადგილზე გააცნეს, რომელიც სოფლის მეურნეობის სამინისტროსა და აგრარული უნივერსიტეტიდან მიღებული რეკომენდაციის საფუძველზე შერჩეული ბიოლოგიური პრეპარატით - ლეპიდინით შეიწამლა. წამალი სპეციალურად შერჩეული სახეობის ბაქტერიის - Bacillus thuringiensis var. kurstaki-ის (BTK) ბაზაზეა დამზადებული, რომელიც არ არის ტოქსიკური ადამიანისთვის და სხვა ცოცხალი ორგანიზმებისთვის.
"გარემოსა და ბუნებრივი რესურსების სამინისტრომ, კავკასიის გარემოსდაცვითი არასამთავრობო ორგანიზაციების ქსელთან (CENN) თანამშრომლობით 2015 წელს „კოლხური ბზის გადარჩენის ეროვნული რეაგირების გეგმა“ მოამზადა. გეგმა სხვადასხვა უწყებების: აჭარის სატყეო სააგენტოს, დაცული ტერიტორიების სააგენტოს, სოფლის მეურნეობის სამინისტროს, აფხაზეთის გარემოს ა/რ სოფლის მეურნეობის, ადგილობრივი თვითმმართველობის ორგანოებისა და სხვა დაწესებულებების მიერ მიმდინარე და მომავალ წლებში მავნებელთან ბრძოლის მხრივ, ასევე ბზის აღდგენა -კონსერვაციის მიმართულებით განსახორციელებელ ქმედებებს მოიცავს.
კოლხური ბზა „წითელი ნუსხით“ დაცული სახეობაა. ბზის ხმობა ქვეყნის ტერიტორიაზე ბოლო 4-5 წლის განმავლობაში გამოვლინდა, რომლის მიზეზი მავნე მწერი „ბზის ალურაა“.
გელათის მიმდებარე ტერიტორიაზე ფერომონიანი მწერსაჭერები გამოსცადეს, ასევე ქართველი მეცნიერების მიერ შემუშავებული ახალი ბიოლოგიური პრეპარატის დაავადების -„ბზის სიდამწვრის“ წინააღმდეგ გამოცდა მოხდა.
2016 წლის გაზაფხულიდან ეროვნული სატყეო სააგენტოს მიერ 400 ჰა ფართობის ორჯერადი შეწამვლა განხორციელდა სამეგრელო-ზემო სვანეთის, იმერეთისა და გურიის რეგიონებში. შეწამვლითი ღონისძიება კომპანია „გარდ სერვისმა“ განახორციელა", - აცხადებენ სამინისტროში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.