„Samsung“ - ი დაჟინებით მოუწოდებს „Galaxy Note 7“ -ის მფლობელებს გამორთონ „სმარტფონები“ სანამ ის გამოიძიებს ახალ გავრცელებულ ცნობებს იმის თაობაზე, რომ მოწყობილობას ცეცხლი ეკიდება. ამის შესახებ BBC წერს.

„Samsung“ - მა სექტემბერში, მას შემდეგ რაც ბატარეების აფეთქების შესახებ კომპანიაში საჩივრები შევიდა, 2.5 მილიონი ტელეფონი ამოიღო გაყიდვებიდან და მოგვიანებით დაამშვიდა მომხმარებლები, რომ ყველა შეცვლილი მოწყობილობა იყო უსაფრთხო.

მაგრამ ახლა ვრცელდება ინფორმაცია, რომ იმ ტელეფონებსაც უჩნდება ცეცხლი, რომელიც შეკეთდა.

კენტუკიში მცხოვრები მამაკაცი ყვება, რომ რამდენიმე დღის შემდეგ რაც შეერთებულ შტატებში ერთ-ერთი შიდა ავიარეისის შესრულებამდე ევაკუაცია გამოცხადდა, მას მერე რაც ახალმა ტელეფონმა კვამლის გამოშვება დაიწყო, მან კვამლით სავსე საძინებელ ოთახში გაიღვიძა და ამის მიზეზი შეცვლილი „Galaxy Note 7“იყო.

„რადგანაც მომხმარებლების უსაფრთხოება ჩვენს უმთავრეს პრიორიტეტად რჩება, ‘სამსუნგი’ თხოვს ყველა გადამზიდავ და საცალო ვაჭრობის პარტნიორებს მთელი მსოფლიოს მასშტაბით, შეაჩერონ ‘Galaxy Note 7’ -ის გაყიდვები, სანამ გამოძიება დაიწყება“ - განაცხადა კომპანიამ და დაამატა:

„მომხმარებლებმა, რომელთაც ორიგინალური ან შეცვლილი „Galaxy Note 7“ - გააჩნიათ მფლობელობაში, მოწყობილობა უნდა გამორთონ და შეაჩერონ მისი მომხმარება“.