ტაილანდის მეფე პუმიპონ ადულიადეტი, მსოფლიოს ყველაზე ხანგრძლივად მოღვაწე მონარქი, ტახტზე 70–წლიანი ყოფნის შემდეგ, გარდაიცვალა. აღნიშნულ ინფორმაციას BBC მეფის სასახლეზე დაყრდნობით ავრცელებს.
88 წლის მეფე, ფართოდ იყო დაფასებული ტაილანდში. მას სტაბილურობის სიმბოლოდ მიიჩნევდნენ ქვეყანაში, სადაც პოლიტიკურ მღელვარებას, მათ შორის რამდენჯერმე სახელმწიფო გადატრიალებას ჰქონდა ადგილი.
ბოლო წლებში მისი ჯანმრთელობის მდგომარეობა გაუარესებული იყო, რის გამოც საჯარო სივრცეში იშვიათად ჩნდებოდა.
იგი ტახტზე 1946 წელს ავიდა, მისი ძმის, ამ დრომდე დაუდგენელი მკვლელობის შემდეგ.
ტახტის მემკვიდრე, პრინცი მაჰა ვაჯირალონგკორნი ახალი მონარქი იქნება, განაცხადა პრემიერ მინისტრმა.
ტელევიზიით მიმართვისას მან თქვა, რომ ტაილანდში ერთწლიანი გლოვის პერიოდს აცხადებს და ერთი თვის განმავლობაში ყველა გართობითი ხასიათის ღონისძიება უნდა "შერბილდეს".
"იგი ახლა სამოთხეშია და ტაილანდის მოქალაქეებზე იქიდან ზრუნავს", – თქვა ქვეყნის პრემიერ მინისტრმა გარდაცვლილ მონარქზე.
ტაილანდი 2014 წელს მომხდარი სახელმწიფო გადატრიალების შემდეგ სამხედროების მმართველობის ქვეშ რჩება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.