მასშტაბური საპროტესტო აქცია არგენტინის დედაქალაქში - ასი ათასობით ადამიანი, რომელთა უმრავლესობას ქალები შეადგენდნენ, ქუჩაში ქალებზე ძალადობის წინააღმდეგ გამოვიდა. აღნიშნულ ინფორმაციას "დოიჩე ველე" ავრცელებს.
აქციის მიზეზი გასულ კვირას არგენტინის ქალაქ მარ-დელ-პლატაში 16 წლის გოგონას გაუპატიურება და მკვლელობა გახდა. ლუსია პერესი საავადმყოფოში ორმა მამაკაცმა მიიყვანა.
მათ ექიმებს განუცხადეს, რომ გოგონამ ნარკოტიკი გადაჭარბებული დოზით მიიღო. მედიკოსებმა კი სექსუალური ძალადობის კვალი აღმოაჩინეს. გოგონა საავადმყოფოში გადაყვანიდან რამდენიმე საათში გარდაიცვალა. არგენტინის პოლიციამ მომხდართან დაკავშირებით ორი ადამიანი დააკავა.
პროკურატურამ დაადგინა, რომ ლუსია პერესს გაუპატიურებამდე აიძულეს ნარკოტიკები მიეღო.
ბუენოს-აირესის ქუჩებში გამოსული დემონსტრანტები დამნაშავეების დასჯასა და ქალების დასაცავად, საჭირო ზომების მიღებას ითხოვენ.
არგენტინის არასამთავრობო ორგანიზაციის “ადამიანის უფლებათა მუდმივის ასამბლეის” ცნობით, ქვეყანაში ყოველ 36 საათში ოჯახურ და სხვა სახის ძალადობას ერთი ქალი ეწირება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.