„რესპუბლიკელებმა“ წარმომადგენლობით სახლში უმრავლესობის მოპოვება შეძლეს და გაიხანგრძლივეს პალატაში 6-წლიანი კონტროლი. ამის შესახებ Associated Press-ი წერს.

ხმების დათვლის პროცესი ჯერ კიდევ მიმდინარეობს, მაგრამ „რესპუბლიკელებმა“ სულ მცირე 218 მანდატი მიიღეს, რაც უმრავლესობისთვის საკმარისზე მეტია.

იმ ფონზე კი, როცა „რესპუბლიკურ პარტიაში“ საპრეზიდენტო კანდიდატის, დონალდ ტრამპისადმი დამოკიდებულება არაერთგვაროვანი იყო და პარტიის მთავარი ბირთვი გაყოფილი იყო მისი მხარდაჭერის საკითხში, შიშობდნენ, რომ „რესპუბლიკელებს“ წარმატების მოპოვება გაუჭირდებოდათ.

ამასობაში კი „დემოკრატების“ შანსები რომ სენატში უმრავლესობა მოიპოვონ, სულ უფრო მცირე ჩანს, რადგან „რესპუბლიკელებმა“ მთავარ შტატებში - ვისკონსინში, ჩრდილო კაროლინაში, ინდიანასა და ფლორიდაში, სენატის არჩევნებში გამარჯვება მოიპოვეს. 

ფლორიდაში დიდი უპირატესობით, ყოფილმა საპრეზიდენტო კანდიდატმა მარკო რუბიომ გაიმარჯვა, არიზონაში კი 80 წლის ასაკში, მე-6 ვადით, ისევ ჯონ მაკკეინი გახდა სენატორი. 

„დემოკრატებმა“ შეინარჩუნეს ადგილი ნევადაში, სადაც კატრინ კორტეზ მასტროს გამარჯვება მას პირველ ლათინო -ამერიკელ სენატორს გახდის.

თუკი საპრეზიდენტო არჩევნებში დონალდ ტრამპი გაიმარჯვებს, იგი ამ დროის მონაცემებით უსწრებს ჰილარი კლინტონს, მაშინ კონგრესის ორივე პალატაში "რესპუბლიკელების" უმრავლესობის პირობებში, ტრამპს მისთვის სასურველი კანონების მიღება გაუადვილდება.