დონალდ ტრამპი, დემოკრატი კანდიდატის ჰილარი კლინტონის განსაცვიფრებელი დამარცხების შემდეგ, შეერთებული შტატების 45-ე პრეზიდენტი გახდება. ამის შესახებ ინფორმაციას ახალი ამბების სააგენტო Associated Press -ი ავრცელებს.

შეერთებული შტატების "რესპუბლიკური პარტიის" პრეზიდენტობის კანდიდატს, დონალდ ტრამპს გამარჯვებას უკვე ულოცავენ. ავსტრალიის ულტრა-მემარჯვენე ნაციონალისტური პარტიის One Nation Party -ის ლიდერი პაულინ ჰანსონი ტრამპს საპრეზიდენტო არჩევნებში გამარჯვებას ულოცავს და მას "ბატონ პრეზიდენტს" უწოდებს.

ტრამპს გამარჯვებას ულოცავს ასევე საფრანგეთის ულტრა-მემარჯვენე პარტიის ლიდერი მარინ ლე პენი. "ვულოცავ აშშ-ის ახალ პრეზიდენტს, დონალდ ტრამპს და ამერიკის თავისუფალ ხალხს", - აცხადებს ლე პენი.

50 შტატიდან 46-ში დათვლილი ხმების მიხედვით, დონალდ ტრამპს საარჩევნო კოლეგიის 278 ხმა აქვს, ჰილარი კლინტონს 218, გამარჯვებისთვის კი 270 ხმაა საჭირო, რასაც უკვე ტრამპმა გადააჭარბა. 

BBC -ის ცნობით, ამ დროის მონაცემებით, ტრამპს ხმა მისცა 43,446,143 -მმა ამომრჩეველმა, რაც 49.0%-ს შეადგენს, ჰილარი კლინტონს კი 41,295,986 ამომრჩეველმა, რაც 46.6%-ია, სხვებმა კი 3,892,661 ხმა მიიღეს, რაც 4.4%-ია.

"რესპუბლიკელმა" დონალდ ტრამპმა მთავარი შტატაები - ოჰაიო და ჩრდილო კაროლინა მოიგო, მაშინ როცა ჰილარი კლინტონი ვირჯინიას იგებს, ხმების დათვლა კი მთელ შეერთებულ შტატებში გრძელდება. საბოლოო შედეგები შუაღამის შემდეგ, თბილისის დროით კი ოთხშაბათს დილის 9 საათის შემდეგ გახდება ცნობილი.

ცოტა ხნის წინათ კი ცნობილი გახდა, რომ ტრამპმა ბრძოლა ჯორჯიაშიც მოიგო. 

ამ დროისთვის კი ტრამპი იგებს ფლორიდაში, სადაც მას ამომრჩეველთა ხმების 49.1% აქვს მიღებული, ჰილარი კლინტონს 47.7%, სხვას 3.1%

პენსილვანია: ჰილარი კლინტონი 49.4%, დონალდ ტრამპი 47.1%, სხვას 3.5%

ოჰაიო: დონალდ ტრამპი 52.8%, ჰილარი კლინტონი 42.8%, სხვას 4.4%

მიჩიგანი: დონალდ ტრამპი 48.5%, ჰილარი კლინტონი 46.4%, სხვას 5.1%

ჩრდილო კაროლინა: დონალდ ტრამპი 51.2%, ჰილარი კლინტონი 46.3%, სხვას 2.7%

ვირჯინია: ჰილარი კლინტონი 48.4%, დონალდ ტრამპი 46.3%, სხვას 5.3%

ვისკონსინი: დონალდ ტრამპი 48.9%, ჰილარი კლინტონი 45.9%, სხვას 5.1%

ნიუ ჰამპშირი: დონალდ ტრამპი 48.2%, ჰილარი კლინტონი 46.4%, სხვას 5.4%