რუსეთის საგარეო საქმეთა მინისტრის მოადგილემ, სერგეი რიაბკოვმა განაცხადა, რომ მოსკოვის ემისრებს ტრამპის კამპანიის წარმომადგენლებთან საარჩევნო პერიოდში შეხება ჰქონდათ. ტრამპის კამპანიამ კი ამგვარი კავშირების არსებობა დაბეჯითებით, არაერთხელ უარყო.

ამის შესახებ ბრიტანული „გარდიანი“ წერს.

გამოცემის ცნობით, რიაბკოვმა „ინტერფაქსს“ უთხრა, რომ ისინი გამოეთიშნენ ტრამპს მას შემდეგ, რაც მან გაიმარჯვა.

„ჩვენ ვაკეთებთ ამას და ჩვენ ვაკეთებთ ამას საარჩევნო კამპანიის დროს. აშკარაა, რომ ჩვენ ვიცით უმეტესი ადამიანებისა მისი გარემოცვიდან. ეს ადამიანები ყოველთვის იყვნენ ყურადღების ცენტრში შეერთებულ შტატებში და იკავებდნენ მაღალ თანამდებობებს“, - თქვა სერგეი ლავროვის მოადგილემ.

„მე ვერ ვიტყოდი, რომ ყველა მათგანი რჩებოდა კავშირზე რუსეთის წარმომადგენლობასთან, მაგრამ მათგან საკმაოდ ბევრი იყო. ჩვენ ეს-ეს არის დავიწყეთ ფიქრი დიალოგის გზების გამონახვაზე დონალდ ტრამპის მომავალ ადმინისტრაციასთან და ამ არხებს გამოვიყენებთ აღნიშნული მიზნებისთვის“, - განაცხადა რიაბკოვმა.

რუსეთის საგარეო საქმეთა სამინისტროს წარმომადგენელმა მარია ზახაროვამ დაუდასტურა „ბლუმბერგს“, რომ რუსეთის საელჩოს თანამშრომლები შეხვდნენ ტრამპის საარჩევნო კამპანიის წარმომადგენლებს წინასაარჩევნო პერიოდში და დასძინა, რომ ამგვარ კონტაქტზე კლინტონის კამპანიამ უარი თქვა.