დოლარმა ხუთშაბათს, ბოლო 14 წლის განმავლობაში ყველაზე მაღალ ნიშნულს მიაღწია და მისი რეკორდულად მაღალი მაჩვენებელი მსოფლიოს სხვა წამყვან ვალუტებთან მიმართებაში მძიმე დარტყმას აყენებს ახლად აღმოცენებულ ბაზრებს. ამის შესახებ „როიტერსი“ წერს.

მსოფლიოს ყველაზე დიდი ეკონომიკის უფრო ძლიერმა მაჩვენებელმა საძირკველი გაუმაგრა ამერიკის ეროვნული ვალუტის გამყარებას, რაც შემდგომ უფრო სუსტი მოცულობით გაძლიერდა იმით, რომ შეერთებული შტატების დოლარით მოვაჭრენი განზე არიან გამდგარი მადლიერების დღის დასვენების გამო.

დოლარი ევროსთან მიმართებაში კიდევ უფრო გამყარდა და 1 ევროს ფასმა 1.0550 აშშ დოლარი შეადგინა და ეს მაჩვენებელი მხოლოდ 2015 წლის მარტის დასაწყისის მაჩვენებელზეა უფრო მეტი, როცა 1 ევრო ოფიციალურად 1.0457 დოლარი ღირდა.

გერმანიის ბიზნესის ნდობის მაჩვენებელმა ანახა, რომ კომპანიები რჩებიან აუფორიაქებლები, სულ მცირე ამ დროისთვის, შეერთებული შტატების არჩევნებში დონალდ ტრამპის გამარჯვებისა და იმ პოლიტიკური გაურკვევლობის ფონზე, რაც ამჟამად ევრო ზონის ნაწილში დუღს, ისეთში მაგალითად, როგორიცაა იტალია.

მიუხედავად ამისა, ევროპულმა ცენტრალურმა ბანკმა უჩვეულოდ პესიმისტური გზავნილი გააჟღერა და გამაფრთხილებლად განაცხადა, რომ გლობალური პოლიტიკური ცვლილებები შესაძლოა შეერიოს არსებულ მგრძნობელობებს საპროცენტო განაკვეთის ზრდის თვალსაზრისით და გამოაცოცხლოს წუხილები ევრო ზონის უფრო სუსტი სახელმწიფოების შესახებ.

„ამან კი ლოგიკურად, შესაძლოა დააყოვნოს მეტისმეტად საჭირო ფისკალური და სტრუქტურული რეფორმები და შესაძლოა, ყველაზე ცუდი სცენარის შემთხვევაში, კვლავ გააჩაღოს ზეწოლები უფრო სუსტ სახელმწიფოებზე. განსაკუთრებით კი, ვალის მდგრად განვითარებაზე წუხილები შესაძლოა კვლავ აღმოცენდეს ასე თუ ისე დამყოლი ფინანსური ბაზრის პირობების მიუხედავად“, - აღნიშნულია განცხადებაში.

„როიტერსი“ უცხო ვალუტის გადაცვლის სტრატეგების გამოკითხვაზე დაყრდნობით ჯერ კიდევ მიმდინარე თვის დასაწყისში წერდა, რომ შეერთებული შტატების დოლარი მოსალოდნელია, რომ უფრო მაღალ ნიშნულზე ავიდეს მომდევნო წელს, რადგან ფედერალური რეზერვი მძლავრად ცდილობს სვლას მაღალი საპროცენტო განაკვეთისკენ.

1 ნოემბერს გამოქვეყნებულ სტატიაში აღნიშნულია, რომ შეერთებული შტატების 8 ნოემბრის საპრეზიდენტო არჩევნებმა და მისმა შედეგებმა შესაძლოა მოკლევადიანი რისკები წარმოშვას დოლართან მიმართებაში, მაგრამ 26 ოქტომბრიდან 31 ოქტომბრამდე გამოკითხულ 60-ზე მეტ სტრატეგს შორის უმრავლესობა პროგნოზირებს, რომ დოლარზე ზეწოლის მხრივ, აღნიშნული ფაქტორის დიდი ნაწილი უკვე ასახულია.

დოლარი მოულოდნელად გაჯანსაღდა ოქტომბერში, 3 პროცენტზე უფრო მეტი მაჩვენებლით, და თითქმის 9 თვის განმავლობაში ყველაზე მაღალ ნიშნულს მიაღწია უცხოურ ვალუტებთან მიმართებაში - შეერთებული შტატების ეკონომიკური მონაცემებით ზურგამაგრებული.

ამან კი შთანთქა მოლოდინები მოვაჭრეებსა და ფედერალური რეზერვის ანალიტიკოსებს შორის რომ საბოლოოდ საპროცენტო განაკვეთის ზრდა დეკემბერში განხორციელდებოდა.

როგორც კი ეს მოლოდინები მდგრადი გახდა, სტრატეგები არ მოელიან ვალუტის უფრო მეტად გაჯანსაღებას მომავალ წლამდე.

„იმ დროის განმავლობაში, როცა ჩვენ არ შეგვიძლია განვჭვრიტოთ მომავალი გლობალური რისკის გამწვავება... ჩვენ მიგვაჩნია, რომ ფედერალური რეზერვის მოსალოდნელი გამკაცრება, უფრო მდგრადი მამოძრავებელი ძალა გახდება შეერთებულ შტატების დოლარის გამყარებისა“, - დაწერა BMO-ს მთავარმა ეკონომისტმა ბენიამინ რეითზესმა.

ბოლო გამოკითხვებმა, 2016 წლის დასაწყისში, იწინასწარმეტყველა რომ ევრო დოლართან მიმართებაში იქნებოდა $1.09 ერთ, სამ, ექვს და 12 თვეში.

„შეერთებული შტატების დოლარის ზრდა მოსალოდნელია რომ გაგრძელდეს“, - დაწერა Morgan Stanley-ის სტრატეგმა ჰანს რედეკერმა.

მაშინ როცა იაპონიის ბანკმა კიდევ უფრო გააფართოვა მისი, მასობრივი სტიმულირების უკვე არსებული პროგრამა, იენი დოლართან მიმართებაში მაინც მკვეთრად, 12 პროცენტზე მეტი ნიშნულით დაეცა და როგორც წინასაწარმეტყველებენ და მათ შორის არიან BMO-ს ექსპერტებიც, იენი კიდევ უფრო მეტად დასუსტდება, დაახლოებით 1.3 პროცენტით.

ამასობაში კი სტერლინგი დოლართან მიმართებაში 20 პროცენტით დაეცა მას შემდეგ, რაც ბრიტანელებმა ევროკავშირის დატოვებას მისცეს ხმა. პროგნოზირებენ რომ ფუნტი კიდევ დაეცემა 5 პროცენტით იმის მერე, როცა დიდი ბრიტანეთი ევროპის კავშირიდან გასვლის ფორმალურ პროცესს დაიწყებს, თუმცა არ პროგნოზირებენ, რომ სტერლინგი ევროსთან მიმართებაში შესუსტდეს.