სირიის არმიამ ხელმეორედ აიღო ამბოხებულების ხელში მყოფი რაიონი აღმოსავლეთ ალეპოში, საიდანაც ათასობით ადამიანმა გაქცევით უშველა თავს. ამის შესახებ BBC წერს.
არმიამ განაცხადა, რომ მათ „ხელმეორედ უკან დაიბრუნეს“ ჯაბალ ბადრო, ერთი დღის შემდეგ რაც ხელჩი ჩაიგდეს ჰანანოს რაიონი. მონიტორინგის ჯგუფმა განაცხადა, რომ მე-3 რაიონიც ასევე აღებულია.
ანალიტიკოსები აცხადებენ, რომ მძლავრი შანსი არსებობს იმისა, რომ არმიამ აჯანყებულების სიმაგრე ჩრდილოეთ ნაწილში, მის სამხრეთ ნაწილს მოწყვიტოს.
გავრცელებული ინფორმაციით, მშვიდობიანი მოქალაქეების დიდი რაოდენობა ცდილობს შევიდეს მთავრობის მიერ დაკავებულ დასავლეთ ალეპოში.
სირიის არმიამ განაცხადა, რომ ის 1 500 ადამიანს დაეხმარა თავის დაღწევაში, მაშინ როცა რუსეთის საინფორმაციო საშუალებები აცხადებენ, რომ დაახლოებით 900-მა მშვიდობიანმა მოქალაქემ - მათ შორის 119 ბავშვმა - თავისით დატოვა ჯაბალ ბადრო, სანამ იქ ჯარები შევიდოდნენ.
დამატებით 2 500 ადამიანი გაიქცა ქურთების მიერ კონტროლირებად რაიონში ქალაქის ჩრდილოეთში, - აცხადებს დიდ ბრიტანეთში ბაზირებული ადამიანის უფლებების დამცველი სირიული სამეთვალყურეო ჯგუფი.
ერთ-ერთმა მამაკაცმა სააგენტო „როიტერსს“ განუცხადა, რომ მან ჰანანო შაბათს „სირიის არმიის წინ წაწევის დროს დაბომბვებისა და ქლორიანი გაზის გამო დატოვა“.
ის ელოდებოდა თავის ცოლს, დედას და სამ ბავშვს მინიავტობუსის გაჩერებაზე, იმ იმედით, რომ ქალაქის დასავლეთში გაემგზავრებოდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.