იტალიაში რეფერენდუმი იმართება და იგი პრემიერ მინისტრ მატეო რენცის მიერ ინიცირებულ საკონსტიტუციო რეფორმას, კერძოდ კი იტალიის კონსტიტუციაში ცვლილებების შეტანას ეხება, რომლის მხარდაჭერის შემთხვევაშიც იტალიის სენატის წევრების რაოდენობა 3-ჯერ უფრო მეტად, 315-დან 100-მდე შემცირდება. თუმცა თუკი მოსახლეობამ მხარი არ დაუჭირა პრემიერ მინისტრის ინიციატივას, რაც როგორც BBC წერს, წინასწარი სოციოლოგიური გამოკითხვების მიხედვით იკვეთება, რომ შესაძლოა ასე იყოს, მაშინ რენცი თანამდებობას დატოვებს.
მატეო რენცის მიერ ინიცირებული საკონსტიტუციო რეფორმის თანახმად, თუკი მას მხარს დაუჭერენ, იტალიის სენატის წევრების რაოდენობა 315-დან 100-მდე შემცირდება. მის შემადგენლობაში შევა 21 მერი, 74 რეგიონალური მრჩეველი და 5 სენატორი, რომლებსაც 7 წლის ვადით პრეზიდენტი დანიშნავს.
რეფორმის შედეგად ქვეყნის რეგიონების უფლებამოსილება შემცირდება. ენერგეტიკის, სტრატეგიული ინფრასტრუქტურისა და სამოქალაქო თავდაცვის საკითხები უშუალოდ პრემიერ მინისტრის განკარგულებაში გადავა.
მატეო რენცი აცხადებს, რომ სენატის წევრების რაოდენობის შემცირება დაზოგავს სახელმწიფო ხარჯებს, დაახლოებით 500 მილიონ ევროს წელიწადში ასევე რეფორმა დააჩქარებს კანონების-მიმღებ ძნელ პროცესს იტალიაში, რომელსაც 1948 წლის შემდეგ 60 მთავრობა ჰყავდა.
იმ შემთხვევაში თუ რეფერენდუმზე მოსახლეობა მხარს არ დაუჭერს საკონსტიტუციო რეფორმას, მატეო რენცის განცხადებით, ის გადადგება პრემიერ მინისტრის თანამდებობიდან.
ხმის მიცემა კვირას, დილის 07:00 საათზე დაიწყო და 23:00 საათზე დასრულდება. პირველადი შედეგები სავარაუდოდ, ორშაბათს, ადრე დილას გახდება ცნობილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.