შეერთებული შტატების არჩეულმა პრეზიდენტმა დონალდ ტრამპმა განაცხადა, რომ იგი დააწესებს სადამსჯელო გადასახადებს იმ ამერიკული ფირმებისთვის, რომლებიც თავიანთ საწარმოებს საზღვარგარეთ გაიტანენ.

ტრამპმა პირობა დადო, რომ 35%-იან ბეგარას დაადებს შეერთებულ შტატებში გაყიდულ პროდუქტებზე, რომელიც წარმოებული იქნება ნებისმიერი იმ ბეზნეს-ორგანიზაციის მიერ, რომელიც ამერიკელ დასაქმებულებს გაათავისუფლებს სამსახურიდან და სხვაგან ააშენებს საწარმოს.

ტრამპმა პირობა დადო, რომ დაეხმარება მუშათა კლასს, ისევე როგორც განახორციელებს გადასახადებისა და ბიზნესზე რეგულაციების შემცირებას.

„შეერთებულ შტატებში მნიშვნელოვანწილად შემცირდება გადასახადები და ბიზნესებზე რეგულაციები, მაგრამ ნებისმიერი ბიზნესი, რომელიც ჩვენ ქვეყნას დატოვებს და გადავა სხვა ქვეყანაში, გაათავისუფლებს თავის თანამშრომლებს, ააშენებს ახალ ქარხანას თუ ფაბრიკას სხვა ქვეყანაში, და შემდეგ იფიქრებს, რომ იგი გაყიდის თავის პროდუქციას შეერთებულ შტატებში დამსახურებელი სასჯელის ან შედეგის გარეშე, არის მცდარი!“ [ზუსტი ციტირება - თარგმანი დედანთან მაქსიმალურად მიახლოებული], დაწერა ტრამპმა „თვითერზე“.

„იქნება ბეგარა ჩვენ, ძალიან მალე ძლიერ საზღვარზე, 35%-იანი იმ კომპანიებისთვის, რომელთაც სურვილი ექნებათ თავიანთი პროდუქტების, ავტომანქანების, კონდიციონერების და ა.შ. , საზღვრის აქეთ გაყიდვის“, - განაგრძო მან.

„ეს ბეგარა დატოვებას ფინანსურად რთულს გახდის, მაგრამ ამ კომპანიებს შეუძლიათ გადავიდნენ 50 შტატს შორის, ბეგარისა და ტარიფების გადახდის გარეშე.

გეთაყვა, იყავით წინასწარ გაფრთხილებული ძალიან ძვირი შეცდომის დაშვებამდე! შეერთებული შტატები გახსნილია ბიზნესისათვის“.

გასულ კვირას ტრამპმა „თვითერით“ გააფრთხილა Rexnord Corp-ი, მილვოუკში ბაზირებული ინდუსტრიული მიმწოდებელი, რომელიც გეგმავს ქარხნისა და მისი 300 სამუშაო ადგილის ინდიანადან მექსიკაში გადატანას.

„ინდიანას Rexnord -ი გადადის მექსიკაში და უმალ ბოროტად ათავისუფლებს მის ყველა, 300 დასაქმებულს. ეს ხდება მთელ ქვეყანაში. მეტი აღარ!“ -აღშფოთებით აცხადებს ტრამპი.

გასულ კვირას ტრამპმა ინდიანაში, მადლობის ტურნეს ფარგლებში მხარდამჭერებთან შეხვედრისას აღთქმა დადო, რომ შეაჩერებდა სამუშაო ადგილების ამერიკიდან სხვა ქვეყნებში გადატანას. მგრამ მან თქვა, რომ არ ჰქონდა გაცნობიერებული, რომ დაპირება საჰაერო კონდიციონერების მწარმოებელი Carrier Corp -ის დასაქმებულებისთვის გააკეთა, ვიდრე სატელევიზიო ინტერვიუს ნახავდა, რომელშიც ქარხნის მუშამ თქვა, რომ ტრამპმა სამუშაო ადგილების ამერიკიდან მექსიკაში გადატანის შეჩერების პირობა დადო, რამაც უბიძგა არჩეულ პრეზიდენტს, რომ დაკონტაქტებოდა კომპანიას.

Carrier Corp -ი ერთ-ერთი მათგანია, რომელმაც თავისი ქარხნის ამერიკიდან მექსიკაში გადატანის შესახებ გამოაცხადა. თუკი კომპანია ამ ნაბიჯს გადადგამს, ათასობით სამუშაო ადგილის დაკარგვის საფრთხე შეიქმნება. თუმცა კომპანიამ ხელისუფლებისაგან 10 წლის განმავლობაში 7 მილიონი დოლარის საგადასახადო შეღავათის დაპირება მიიღო, 800 მუშისა და 300 მკვლევარისა და სპეციალისტის პოზიციაზე დასაქმებულთა სამუშაო ადგილების შენარჩუნების სანაცვლოდ. ამის მიუხედავად, ვარაუდობენ, რომ 1 300 სამუშაო ადგილი მაინც გადავა სამხრეთის საზღვარს მიღმა.

ტრამპმა დაადასტურა, რომ საგადასახადო სტიმულირების გარდა Carrier Corp -ი და მისი კონტროლის ქვეშ მყოფი კომპანია „გაერთიანებული ტექნოლოგიები“ დათანხმდნენ 16 მილიონი დოლარის ინვესტირებას, რომ შეინარჩუნონ ქარხანა განახლებულ მდგომარეობაში.

ექსპერტებმა განაცხადეს, რომ არჩეული პრეზიდენტი კანონიერი წინააღმდეგობების წინაშე აღმოჩნდება, თუკი ის კონგრესის თანხმობის გარეშე შეეცდება ტარიფების დაწესებას სპეციფიკურ კომპანიებზე. ამგვარი ნაბიჯი შესაძლოა შეერთებული შტატების სასამართლოებმა დაბლოკონ.