საფრანგეთის „სოციალისტმა“ პრემიერ მინისტრმა მანუელ ვალსმა გამოაცხადა, რომ მომავალი წლის საპრეზიდენტო არჩევნებში მონაწილეობას აპირებს.
ვალსმა განაცხადა, რომ მას უნდა „ყველაფერი საფრანგეთს მისცეს“. მან აღნიშნული გადაწყვეტილება პრეზიდენტ ფრანსუა ოლანდის რამდენიმე დღის წინათ გაკეთებული განცხადების შემდეგ მიიღო, რომლის მიხედვითაც საფრანგეთის მოქმედი პრეზიდენტი უარს ამბობს მე-2 ვადით კენჭისყრაზე, რაც თანამედროვე საფრანგეთის პოლიტიკურ ცხოვრებაში უპრეცედენტო გადაწყვეტილებაა.
ვალსი მომდევნო თვეს „სოციალისტების“ პრაიმერში სხვა კანდიდატებთან ერთად მიიღებს მონაწილეობას და თუკი გაიმარჯვებს, მისი მოწინააღმდეგები 2017 წლის აპრილის საპრეზიდენტო არჩევნების პირველ რაუნდში „კონსერვატორების“ აწ უკვე გამარჯვებული კანდიდატი ფრანსუა ფიონი და „ნაციონალური ფრონტის“ ლიდერი მარინ ლე პენი იქნებიან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.