რუსეთის საგარეო საქმეთა მინისტრმა სერგეი ლავროვმა განაცხადა, რომ სირიის არმიამ აღმოსავლეთ ალეპოში საბრძოლო ოპერაციები შეაჩერა. ამის შესახებ BBC წერს. ეს ნაბიჯი საბრძოლო ზონაში მომწყვდეული მშვიდობიანი მოსახლეობისთვის ევაკუაციის საშუალების მიცემისთვის გადაიდგა. ლავროვმა თქვა, რომ 8 000-ზე მეტი მოქალაქე იქნება გამოყვანილი.
სამთავრობო ძალებმა ბოლო რამდენიმე კვირაში აღმოსავლეთ ალეპოს 75% აიღეს - ადგილები, რომელზეც ბოლო 4 წლის განმავლობაში კონტროლი მეამბოხეებს ჰქონდათ დაკავებული.
შეერთებული შტატები მიესალმა „სიმპტომებს, რომ შესაძლოა რაღაც პოზიტიური მოხდეს, მაგრამ ჩვენ უნდა დაველოდოთ და შევხედოთ“.
„ჩვენი მიდგომა მდგომარეობისადმი არის, ყურადღებით მოვუსმინოთ თუ რას ამბობენ რუსები, მაგრამ დაწვრილებით გამოვიკვლიოთ მათი ქმედებები“, - განაცხადა თეთრი სახლის წარმომადგენელმა ჯოშ ერნესტმა.
გერმანიაში ევროპელი საგარეო საქმეთა მინისტრების შეხვედრაზე მყოფმა ლავროვმა თქვა: „მე შემილია გითხრათ, რომ დღეს, სირიის არმიის საბრძოლო მოქმედებები აღმოსავლეთ ალეპოში შეჩერდა, რადგან იქ მშვიდობიანი მოქალაქეების ევაკუაციის დიდი ოპერაცია მიმდინარეობს“.
მან ასევე განაცხადა, რომ რუსი და ამერიკელი სამხედრო ექსპერტები შაბათს ჟენევაში შეხვდებიან იმ გზების განსახილველად, როგორ დასრულდეს ძალადობა ალეპოში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.