ქაიროში კოპტურ საკათედრო ტაძართან მომხდარ აფეთქებას სულ მცირე 25 ადამიანი ემსხვერპლა. ინფორმაციას BBC ეგვიპტის ოფიციოზზე დაყრდნობით ავრცელებს.
აფეთქება ადგილობრივი დროით დაახლოებით დილის 10:00 საათზე მაშინ მოხდა, როდესაც წმინდა პეტრეს სახელობის ეკლესიაში წირვა მიმდინარეობდა. დაზიანებები მიიღო სულ ათეულობით ადამიანმა, რომლებიც სასწრაფო დახმარების ავტომანქანებით საავადმყოფში გადაიყვანეს.
ეგვიპტის პრეზიდენტმა აბდულ ფატაჰ ალ-სისიმ ქვეყანაში სამდღიანი გლოვა გამოაცხადა.
მან დაგმო ტერორისტული აქტი და განაცხადა, რომ დამნაშავეები დაისჯებიან.
„ბოროტი ტერორიზმი განხორციელდა ქვეყნის კოპტებისა და მუსულმანების წინააღმდეგ. ეგვიპტე უფრო ძლიერი და უფრო ერთიანი გამოვა ამ მდგომარეობიდან“, - განაცხადა პრეზიდენტმა ალ-სისიმ ეგვიპტის ტელევიზიით გამოსვლისას.
ეგვიპტის ქრისტიანი კოპტები ქვეყნის მოსახლეობის 10%-ს შეადგენენ. კოპტური მართლმადიდებლური ეკლესიაა ეგვიპტის მთავარი ქრისტიანული ეკლესიაა.
შაბათს, გიზის პირამიდებთან დამაკავშირებელ მთავარ გზაზე ბომბის აფეთქების შედეგად 6 პოლიციელი დაიღუპა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.