ხმელთაშუა ზღვაში მაისში „ეგვიპტის ავიახაზების“ ჩამოვარდნილი თვითმფრინავის მსხვერპლთა ნარჩენებზე ასაფეთქებელი ნივთიერებების კვალი იპოვეს. ინფორმაციას BBC ეგვიპტელ გამომძიებლებზე დაყრდნობით ავრცელებს.
სამოქალაქო ავიაციის მინისტრის განცხადებით, Airbus A320-ის ჩამოვარდნაზე ახლა სისხლის სამართლის დანაშაულის გამოძიება დაიწყება.
თვითმფრინავი 19 მაისს პარიზიდან ქაიროსკენ მიემართებოდა, როდესაც ხმელთაშუა ზღვაში ჩამოვარდა, რის შედეგადაც ბორტზე მყოფი 66-ივე ადამიანი დაიღუპა.
ფრანგულ გამოძიებასთან ახლოს მყოფმა წყარომ განაცხადა, რომ მათ ეჭვები გააჩნიათ ეგვიპტური მხარის მიერ უკანასკნელი აღმოჩენების მიმართ.
მათ BBC-ის განუცხადეს, რომ ეგვიპტის ხელისუფლებასთან მუშაობისას „სირთულეები“ იყო და მათი მთავარი წუხილის საგანი იყო ენახათ დაღუპული ფრანგების ნაშთები.
თვითმფრინავს 40 ეგვიპტელი, მათ შორის ეკიპაჟის 10 წევრი და ფრანგული ეროვნების 15 მოქალაქე გადაჰყავდა.
ხუთაშაბათს გავრცელებული ცნობის საპასუხოდ საფრანგეთის საგარეო საქმეთა მინისტრმა განაცხადა, რომ თვითმფრინავის კატასტროფის თაობაზე გამოძიება გრძელდება.
„საფრანგეთი, როგორც ეს ამ ტრაგიკული ინციდენტის დასაწყისიდანვე იყო, რჩება ეგვიპტის შესაბამისი სამსახურების განკარგულებაში, წვლილი შეიტანოს ამ გამოძიებაში, მათ შორის ექსპერტების ჩართვის თვალსაზრისითაც“, - განაცხადა ფრანგმა მინისტრმა ხუთშაბათს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.