საქართველოს პარლამენტის თავმჯდომარის მრჩეველი დავით ზურაბიშვილი ე.წ. მუხროვანის ამბოხის დაგეგმვის ამსახველ ვიდეომასალაში ცალსახად ხედავს დანაშაულებრივ ქმედებებს. მისი თქმით, ხელისუფლების ოპონენტი ძალის წარმომადგენლებისა და მათი მომხრეების მხრიდან ვიდეოში ასახული ვითარების გამართლება არადამაჯერებელია. როგორც ზურაბიშვილი ამბობს, მუხროვანის ამბოხის საქმეში არსად ფიგურირებდნენ რუსი აგენტები.
"როგორ შეიძლება ადამიანმა ასე დაიბრმავო თავი. ანდა ყველაფერის გამართლება როგორ შეიძლება, ვსაუბრობ წინა ხელისუფლების მომხრეებზე, რომლებიც აქეთ გიტევენ", - განაცხადა დავით ზურაბიშვილმა "რეპორტიორის" პრესკლუბში სტუმრობისას.
ამასთან, მისი თქმით, გავრცელებულ სკანდალურ ვიდეოზე არა პოლიტიკური დებატები, არამედ ინტენსიური საგამოძიებო მოქმედებები უნდა მიმდინარეობდეს.
"პროკურატურამ და სამართალდამცავმა ორგანოებმა ისე უნდა გამოიძიონ საქმე, რომ არ გახდეს სალაპარაკო და ვიდეოებზე არ უნდა გვიწევდეს მსჯელობა. ეს უნდა იყოს გამოძიებული, დადებული მტკიცებულებები, მაგრამ ვხედავთ, რომ პროცესები იწელება მუდმივად. ვიღაცეები ამბობენ, რეჟიმი უნდა გავასამართლოთო, რა რეჟიმი უნდა გაასამართლონ, ბაჩო ახალაია ვერ გაუსამართლებია და მაშინ, როცა არაერთი მტკიცებულება არსებობს, მასზე 2 გამამართლებელი განაჩენი დადგა. სირცხვილია უბრალოდ", - აღნიშნა ზურაბიშვილმა.
მანვე იმედი გამოთქვა, რომ მთავარი პროკურატურის ახალი ხელმძღვანელობა "საქმეს მიხედავს და არ მოგვიხდება ისტერიულ მდგომარეობაში ყოფნა".
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.