ჩილეში მომხდარი მძლავრი, 7.7 მაგნიტუდის სიმძლავრის მიწისძვრის შემდეგ ცუნამის საფრთხის შესახებ გამოაცხადეს. ინფორმაციას ამ წუთებში BBC ავრცელებს.
შეერთებული შტატების გეოლოგიური სამსახურის ინფორმაციით, მიწისძვრა სამხრეთ ჩილეში, პუერტო მონტიდან 225 კილომეტრში 14:22 საათზე (GMT) მოხდა.
მისი სიღრმე დაახლოებით 15 კილომეტრი იყო. "როიტერსის" ცნობით, 21 000 ოჯახს ელექტროენერგია არ მიეწოდება. ჯერჯერობით მსხვერპლისა და ზარალის შესახებ ინფორმაცია არ ვრცელდება.
„სიფრთხილის ზომებიდან გამომდინარე, ჩვენ გავეცით ევაკუაციის ბრძანება ბიობოს სანაპირო ადგილებიდან - არაუკანიადან, ლოს რიოსიდან, აისენიდან - ნათქვამია განგაშის შესახებ გავრცელებულ ცნობაში.
წყნარი ოკეანის ცუნამის გამაფრთხილებელი ცენტრის განცხადებით, მიწისძვრის ეპიცენტრიდან 1 000 კილომეტრის მანძილზე მდებარე სანაპირო ზოლზე შესაძლებელია სარისკო ტალღები წარმოიშვას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.