ფილიპინებზე თავსდამტყდარი მძლავრი ტაიფუნი მჭიდროდ დასახლებულ დედაქალაქ მანილასკენ მიემართება. სამოქალაქო თავდაცვის ოფიციოზმა „უკიდურესი განგაში“ გამოაცხადა, რადგან შტორმი დედაქალაქს ორშაბათს, მოგვიანებით დაატყდება თავს.
მეტეოროლოგების ცნობით, შტორმის სიჩქარე თავდაპირველად 255კმ/სთ-ს აღწევდა, თუმცა ის კვირას შესუსტდა და ახლა მისი სიჩქარე 140 კმ/სთ-ს შეადგენს.
ქარიშხალმა დააზიანა ელექტროგადამცემი ხაზები, წააქცია ხეები, მაგრამ მსხვერპლის შესახებ ინფორმაცია არ გავრცელებულა.
მანილას სამოქალაქო თავდაცვის ოფისმა მოსახლეობა გააფრთხილა, რომ დედქალაქს თავს დაატყდება მძლავრი ტაიფუნი, რომელსაც თან „ძლიერი წვიმა და წყალდიდობა დაერთვება“.
ოქტომბერში ფილიპინებს სუპერტაიფუნი „ჰაიმა“ დაატყდა თავს, რამაც 4 ადამიანის სიცოცხლე იმსხვერპლა, ხოლო 2013 წელს სუპერტაიფუნის, „ჰაივანის“ შედეგად 7 350 ადამიანი დაიღუპა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.