ინვესტორ უორენ ბაფეტის ფირმის Berkshire Hathaway –ის აქციები 20%–ით გაიზარდა, რაც დაეხმარა ბაფეტს თავისი პერსონალური სიმდიდრე 12.3 მილიარდი დოლარით გაეზარდა – უფრო მეტი თანხით, ვიდრე რომელიმე მილიარდერს შეერთებულ შტატებში. „ფორბსის“ გაანგარიშებით, The Oracle of Omaha ახლა 74.2 მილიარდი ამერიკული დოლარის ღირებულებისაა, რაც საკმარისია იმისათვის, რომ იგი მსოფლიოში სიმდიდრით მე–2 ადგილზე მყოფი პიროვნება იყოს და მხოლოდ ბილ გეითსს ჩამორჩებოდეს, რომელიც 84 მილიარდ აშშ დოლარს ფლობს.

ბაფეტი 2016 წლის საპრეზიდენტო არჩევნებზე „დემოკრატ“ ჰილარი კლინტონის მტკიცე მხარდამჭერი იყო, მაგრამ მან ამ წლის ყველაზე დიდი მოგებიდან, 7.8 მილიარდი აშშ დოლარი მას შემდეგ მოიპოვა, რაც კლინტონმა წააგო 8 ნოემბრის არჩევნები. ბაფეტის სიმდიდრე არჩევნების დასრულებიდან მალევე, მხოლოდ 2 დღეში 3.6 მილიარდი აშშ დოლარით გაიზარდა, როცა Berkshire Hathaway–ის აქციები 6%–ით ავარდა მაღლა.

მაგრამ Berkshire Hathaway–ისთვის 2016 წელი მხოლოდ ასეთი ხავერდოვანი არ ყოფილა. ბაფეტის ფირმა აქციების ყველაზე მსხვილი მფლობელია Wells Fargo ბანკის, რომელიც სექტემბერში, კლიენტების ნებართვის გარეშე მილიონობით ანგარიშის გახსნისათვის 185 მილიონი აშშ დოლარით დააჯარიმეს. ამის გამო კი დაჯარიმებიდან ერთ თვეში, ოქტომბერში, Berkshire-ს აქციები 4%-ით დაეცა.