ციკლონმა პამმა მიწასთან გაასწორა ვანუატუ და მომაკვდინებელი დარტყმა მიაყენა მის განვითარებას. ამის თაობაზე წყნარი ოკეანის კუნძულზე მდებარე ქვეყნის პრეზიდენტმა განაცხადა. ინფორმაციას, ფოტო და ვიდეო მასალას დანგრეული კუნძულიდან BBC ავრცელებს.
დახმარების ჯგუფებმა ჩასვლა დაიწყეს ვანუატუში, სადაც ციკლონმა ხეები ძირფესვიანად ამოგლიჯა, ელექტროგადამცემი ბოძები წააქცია და ისედაც ერთ-ერთი ყველაზე ღარიბი ერი დედამიწაზე, მთლად განადგურებული დატოვა. 
ვერტმფრენიდან გადაღებულ ფოტოებში კი ჩანს თუ როგორ მთლიანად მიწასთანაა გასწორებული დედაქალაქში მდებარე სახლები და როგორც დახმარების ჯგუფის წევრები ამბობენ, სასმელი წყლის გადაუდებლად მიწოდების საჭიროება არსებობს. ამ დროისთვის სულ მცირე რვა ადამიანის სიკვდილზე ვრცელდება ინფორმაცია, მაგრამ გარდაცვლილთა რიცხვის გაზრდას ვარაუდობენ, მას შემდეგ, რაც მაშველები უფრო დაშორებულ კუნძულებს მიაღწევენ.
"მე მას მონსტრი ვუწოდე, მონსტრი. ეს ვანუატუს მთავრობისა და ხალხისათვის უკუსვლაა, რადგან ყველა იმ პროექტის განხორციელება, რომელიც განვითარებას ემსახურებოდა, მიწასთან გასწორდა," თქვა მან. 
სახლები, რომელიც ბეტონისაგან არ ყოფილა აშენებული, მთლიანად დაინგრა.
რამდენიმე ქვეყანამ დახმარების ბრიგადები უკვე გააგზავნა ვანუატუში. შტორმი მე-5 კატეგორიას მიაკუთვნეს. ქარის სიჩქარე 300კმ/სთ-ში აღწევდა და ყველაზე მძლავრი შაბათს, დილის საათებში იყო. ამჟამად ციკლონი ახალი ზელანდიის აღმოსავლეთ სანაპიროსკენ მიემართება, მაგრამ ის შესუსტებულია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.