მაშველებმა ყაზახეთში მრავალსართულიანი საცხოვრებელი სახლის ჩამოშლის შედეგად ნანგრევებში მოყოლილი 9 ადამიანის, მათ შორის ბავშვების ცხედრები ამოიყვანეს. ამის შესახებ „რია ნოვოსტის“ ყაზახეთის შინაგან საქმეთა სამინისტროს საგანგებო სიტუაციების კომიტეტის ოფიციალურმა წარმომადგენელმა, რუსლან იმანყულოვმა განუცხადა.
მრავალსართულიანი სახლის ნაწილი ყარაგანდის ოლქის დასახლებაში, შახანში კვირა საღამოს ჩამოიშალა.
„ამ დროისთვის, ნანგრევებიდან 9 დაღუპულია ამოყვანილი. მათ შორის სამი მამაკაცია, სამი ქალი, სამი ბავშვი, რომელთაგან ერთ-ერთი 2016 წელს, მეორე კი 2010 წელს არის დაბადებული“, - განაცხადა იმანყულოვმა, რომლის ინფორმაციითაც, მაშველებმა ნანგრევებიდან ორშაბათ დილით ერთი ცოცხალი ადამიანი, 32 წლის მამაკაცი ამოიყვანეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.