სულ მცირე 35 ადამიანი იქნა მოკლული ერაყის დედაქალაქ ბაღდადის ხალხმრავალ მოედანზე, ავტომანქანაზე დამონტაჟებული ბომბის აფეთქების შედეგად. ინფორმაციას ბრიტანული სამაუწყებლო კორპორაცია (BBC) უსაფრთხოების და სამედიცინო სფეროს წყაროებზე დაყრდნობით ავრცელებს.
61-მა სხვამ დაზიანებები მიიღო უმეტესწილად შიიტი მუსლიმებით დასახლებული დედაქალაქის აღმოსავლეთ რაიონში, სადრში მომხდარი აფეთქებისას. მოგვიანებით კი ალ-კინდის საავადმყოფოსთან, ავტომანქანების პარკირების ადგილას, კიდევ ერთი აფეთქება მოხდა, რამაც 3 ადამიანის სიცოცხლე იმსხვერპლა.
აფეთქებებზე პასუხისმგებლობა "ისლამური სახელმწიფოს" სუნიტურმა ჯიჰადისტურმა ჯგუფმა აიღო.
ჯიჰადისტურმა ჯგუფმა განაცხადა, რომ თავად იდგა ბაღდადში შაბათს მომხდარი ორი აფეთქების უკანაც, რასაც 28 ადამიანი ემსხვერპლა.
„ისლამურ სახელმწიფოსთან“ ასოცირებულმა ახალი ამბების სააგენტომ, „ამაყმა“ განაცხადა, რომ აღნიშნული თავდასხმების სამიზნე შიიტები იყვნენ, რომელთაც ის განდგომილებად მიიჩნევს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.