„ევროპული საქართველოს” წევრი ოთარ კახიძე აცხადებს, რომ საკონსტიტუციო კომისიის ფარგლებში შექმნილი სასამართლოსა და ადამიანის უფლებებზე მომუშავე ჯგუფის შეხვედრის დროს საუბარი იყო კონსტიტუციის მე-19 მუხლში ცვლილებაზე, რაც დეპუტატის აზრით, სიტყვისა და აზრის გამოხატვის თავისუფლების მაღალ სტანდარტებს დაბლა დაწევს.
”ჩემთვის შემაშფოთებელია საკითხი, რომელიც ეხება სიტყვისა და აზრის გამოხატვის თავისუფლებას, იყო საუბარი, რომ აქ სტანდარტმა დაიწიოს, რაც ჩვენი საზოგადოებისთვის იქნება კატეგორიულად მიუღებელი, რადგან აღნიშნული კონსტიტუციური უფლებების და თავისუფლებების ძალიან მაღალი სტანდარტი გვაქვს ჩვენ, რაც შემდგომ საკონსტიტუციო სასამართლოს ძალიან კარგად აქვს განმარტებული და პრაქტიკაში ამ თავისუფლებამ კონკრეტული განზომილებები შეიძინა. ამაზე შეთანხმება ჯერჯერობით არაა და ამაზე სამუშაო ჯგუფში დისკუსია გაიმართა მხოლოდ”, - განაცხადა კახიძემ ჟურნალისტებთან საუბრისას.
რაც შეეხება საქართველოს კონსტიტუციის პრეამბულაში, ქვეყნის ევროატლანტიკურ მისწრაფებებზე ჩანაწერის გაკეთებას, კახიძე აცხადებს, რომ იგი აღნიშნულ იდეას იზიარებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.