აშშ-ის პრეზიდენტმა, დონალდ ტრამპმა განაცხადა, რომ ეროვნული უსაფრთხოების მხრივ „დიდი დღეა", რაც აშშ-სა და მექსიკის საზღვარზე კედლის აშენებასთან დაკავშირებით მის დაგეგმილ განცხადებას გულისხმობს.

აღნიშნულ ინფორმაციას BBC ავრცელებს.

მოელიან, რომ დღეს ტრამპი ხელს მოაწერს რამდენიმე საპრეზიდენტო ბრძანებას, რომლებიც ემიგრაციისა და საზღვრის უსაფრთხოების საკითხებს მოიცავს.

ტრამპმა „თვითერზე" დაწერა: "დიდი დღე არის დაგეგმილი ხვალ ეროვნული უსაფრთხოების მხრივ - ბევრ სხვა საკითხს შორის ჩვენ ავაშენებთ კედელს".

ბრძანებები, რომლებსაც ტრამპი მოაწერს ხელს, სავარაუდოდ, შეზღუდავს ემიგრანტების აშშ-ში შესვლას, უმეტესწილად, მუსულმანური, ახლო აღმოსავლეთისა და აფრიკის ქვეყენებიდან, მათ შორის, სირიიდან, იემენიდან და ერაყიდან. ბრძანება ამერიკის მიწაზე ლტოლვილების შესვლის შეზღუდვასაც ითვალისწინებს.

აშშ-მექსიკის საზღვარზე 2000 მილზე (3240 კმ) კედლის აშენება ტრამპის საპრეზიდენტო კამპანიის ერთ-ერთი მთავარი წინადადება იყო.

ტრამპი მისი საარჩევნო კამპანიის დროს აცხადებდა, რომ პრეზიდენტად არჩევის შემთხევვაში მექსიკის საზღვარზე ააშენებდა კედელს, უფრო სწორად თავად მექსიკას აიძულებდა მის აშენებას, რომ ქვეყანა არალეგალური ემიგრანტებისაგან, „გამპატიურებელი, მოძალადე“ მექსიკელებისაგან დაეცვა, რაც ტრამპის მხარდამჭერებში დიდ მოწონებას იმსახურებდა. 

მისი არჩევნებში გამარჯვების შემდეგ, ნიუ იორკის მერმა განაცხადა, რომ მან შეერთებული შტატების არჩეულ პრეზიდენტს უთხრა, რომ ადამიანები ქალაქში „შეძრწუნებული“ არიან იმით, თუ რა შეიძლება მოუტანოს მათ თეთრი სახლის ადმინისტრაციამ. 

„ტრამპ თაუერში“ შეხვედრისას ბილ დე ბლასიომ გააფრთხილა „რესპუბლიკელი“, რომ მას განზრახული აქვს დეპორტაციისაგან დაიცვას ქალაქში დოკუმენტების გარეშე მცხოვრები ემიგრანტები.

მან თქვა, რომ ტრამპის გეგემები არ იმუშავებს „ემიგრანტებით უკიდურესად სავსე ქალაქში“.