ინტენსიურმა თოვამ და ზვავებმა ავღანეთსა და პაკისტანში ათეულობით ადამიანის სიცოცხლე იმსხვერპლა. BBC-ის ცნობით, ბოლო სამი დღის განმავლობაში ავღანეთში დაახლოებით 100 ადამიანი დაიღუპა, მათ შორის 16 ქაბულიდან ჩრდილოეთით, ღამით ჩამოწოლილი ზვავის შედეგად.
13 ადამიანი დაიღუპა ჩრდილოეთ პაკისტანში ჩამოწოლილი ზვავის შედეგად, 9 მათგანი კი ქალაქ ჩიტრალში, სადაც რამდენიმე სახლი განადგურდა და შიშობენ, რომ თოვლში უფრო მეტი ადამიანია მოყოლილი.
ქაბულის მთავარი საერთაშორისო აეროპორტი თოვლისა და ასაფრენ-დასაფრენი ზოლის მოყინვის გამო დაკეტილია.
თოვლმა არეულობა შეიტანა მთავარ გზებზე, მათ შორის ქაბული-ყანდაღარის დამაკავშირებელ ავტომაგისტრალზე, სადაც პოლიცია და ჯარისკაცები შტორმის შედეგად გაჭედილ 250 სატრანსპორტო საშუალებას დაეხმარნენ.
„როიტერსის“ ცნობით, ქაბულის ჩრდილოეთით სალანგის უღელტეხილი ჩაიკეტა, რადგან თოვლის საფარმა იქ 2.5 მეტრს მიაღწია.
ოფიციოზი მოსახლეობას უფრო მეტი ზვავების ჩამოწოლის საშიშროების შესახებ აფრთხილებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.