კრემლი Fox News -ის წამყვანის შეერთებული შტატების პრეზიდენტთან, დონალდ ტრამპთან ინტერვიუში რუსეთის პრეზიდენტის, ვლადიმერ პუტინის მიმართ გაკეთებულ კომენტარებს „მიუღებელს“ უწოდებს და ამერიკული ტელევიზიისაგან ბოდიშის მოხდას ითხოვს.
„როიტერსის“ ცნობით, Fox News-ის წამყვანმა ბილ ო’რეილიმ ტრამპთან ინტერვიუში პუტინი აღწერა, როგორც „მკვლელი“ და შეეცადა შეერთებული შტატების პრეზიდენტზე ზეწოლა მოეხდინა, უფრო სრულად აეხსნა, თუ რატომ სცემდა პატივს იგი მის რუს კოლეგას. ო’რეილის არ უთქვამს, მისი აზრით, ვინ ჰყავდა პუტინს მოკლული.
„ჩვენ მივიჩნევთ ასეთ სიტყვებს Fox TV-ის კომპანიისაგან მიუღებლად და შეურაცხმყოფლად და ჭეშმარიტად რომ ითქვას, ჩვენ ვამჯობინებდით მიგვეღო ბოდიში ასეთი პატივცემული სატელევზიო კომპანიიდან“, - განუცხადა რეპორტიორებს კრემლის პრესსპიკერმა დიმიტრი პესკოვმა.
ო’რეილიმ უარი თქვა კრემლის მოწოდებაზე - ბოდიშის მოხდასთან დაკავშირებით.
„მე ვმუშაობ ამ ბოდიშის მოხდაზე, მაგრამ ამას შეიძლება ცოტა დრო დასჭირდეს“, - უთხრა Fox News-ს მან და დაამატა, რომ ეს დრო დაახლოებით შესაძლოა, 2023 წელი იყოს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.