შეერთებული შტატების სენატმა პრეზიდენტ დონალდ ტრამპის მიერ იუსტიციის მინისტრის და გენერალური პროკურორის პოსტზე წარდგენილ კანდიდატურას, ალაბამას სენატორს, ჯეფ სეშენსს, 52 ხმით 47-ის წინააღმდეგ, მხარი დაუჭირა.
როგორც BBC წერს, ალაბამას სენატორის კანდიდატურა ტრამპის ყველაზე სადავო კანდიდატურებს შორის იყო. „დემოკრატებმა“ სეშენსის სამოქალაქო უფლებებზე არსებული ფაქტების წინააღმდეგ გაილაშქრეს.
„დემოკრატმა“ ელიზაბეტ უორენმა სეშენსის წინააღმდეგ რასიზმის განცხადებების გახსენების შემდეგ, დუმილი შეინარჩუნა. გენერალური პროკურორის კანდიდატურას კი მხოლოდ ერთმა „დემოკრატმა“ სენატორმა, ჯო მანჩინმა - დასავლეთ ვირჯინიიდან - მისცა ხმა.
სეშენსის გენერალური პროკურორის პოსტზე დამტკიცებას მისი „რესპუბლიკელი“ კოლეგები ტაშით შეხვდნენ. იგი ახლა სათავეში ჩაუდგება იუსტიციის დეპარტამენტს და მის 113 000 თანამშრომელს.
კენჭისყრის შემდეგ სენატორებისადმი მიმართვაში სეშენსმა თქვა: „არ არსებობს იმაზე უფრო დიდი პატივი, ვიდრე წარმოადგენდე ალაბამას ხალხს მსოფლიოში უდიდეს სათათბირო ორგანოში... მე სრულად მესმის ამ თანამდებობის უდიდესი პასუხისმგებლობა“.
მაგრამ მან დაამატა, რომ „უარყოფითი დამოკიდებულების გამომხატველი ადამიანები, რომლებიც არ გვეთანხმებიან ჩვენ, კარგი არ არის ჩვენი პოლიტიკისთვის“.
სენატორი სეშენსი, ყოფილი პროკურორი, სენატში 1996 წელს აირჩიეს და იგი ტრამპის ერთ-ერთი ახლო მოკავშირე იყო საარჩევნო კამპანიის დროს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.