საერთაშორისო სავალუტო ფონდის აღმასრულებელმა დირექტორმა ქრისტიან ლაგარდმა განაცხადა, რომ ევროპის ქვეყნებში მომავალი არჩევნების შესახებ წუხს, მიუხედავად იმისა, რომ იგი დაჟინებით ირწმუნება, რომ ევროზონა მისი ეკონომიკური პრობლემების გადაწყვეტაში პროგრესის გზაზე დგას.
„მე ვწუხვარ, ისევე როგორც ყველა ჩვენგანი, ამ არჩევნების შესახებ“, უთხრა ლაგარდმა დუბაიში სამეცნიერო წრეების წარმომადგენლებისა და ეკონომიკური პოლიტიკის შემქმნელების მონაწილეობით შემდგარ საერთაშორისო კონფერენციას, როდესაც მას 2017 წლის საფრანგეთის, ნიდერლანდების და გერმანიის არჩევნებზე ჰკითხეს. ლაგარდს აღნიშნული საკითხი უფრო ფართოდ არ განუხილავს.
როგორც „როიტერსი“ წერს, მარინ ლე პენი, რომელმაც პირობა დადო საფრანგეთის ევროზონიდან გამოსვლის თაობაზე, საპრეზიდენტო არჩევნებამდე მხარდამჭერების მოზიდვას ახერხებს, მაშინ როცა ულტრა-მემარჯვენე პოლიტიკოსი ვილდერსი ნიდერლანდებში სოციოლოგიური გამოკითხვების შედეგად მოწინავე პოზიციებზე დგას, ხოლო ანგელა მერკელის „ქრისტიან-დემოკრატიული კავშირი“ დიდი გამოწვევის წინაშეა გერმანიის არჩევნებში.
შეკითხვაზე, განაგრძობენ თუ არა მთავრობები კამათს ევროზონის ვალის კრიზისის შესახებ, ლაგარდმა დაიცვა ევროკავშირი და განაცხადა, რომ ირლანდია, პორტუგალია და კვიპროსი - ყველა მათგანი გამოვიდა კრიზისიდან. მაგრამ მან დაამატა, რომ „უფრო მეტი უნდა გაკეთდეს. უფრო მეტი უნდა გაკეთდეს, ამაზე შეკითხვა არ არსებობს“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.