ქობულეთის მუნიციპალიტეტის გამგებელი სულხან ევგენიძე აჭარის ტურიზმის დეპარტამენტის თავმჯდომარეს, სულხან ღლონტს შეხვდა. ქობულეთის გამგეობის ცნობით, შეხვედრაზე ტურისტული სეზონისთვის დაგეგმილ ღონისძიებებზე, სამომავლო ტურისტულ-ინფრასტრუქტურულ პროექტებსა და ინიციატივებზე ისაუბრეს.
„ყურადღება გაამახვილეს საკითხებზე, რომლებიც ხელს შეუწყობს ქობულეთში როგორც სამთო, ასევე საზღვაო ტურიზმის განვითარებას. შეხვედრაზე ასევე არსებულ პრობლემებსა და მათი გადაჭრის გზებზე ისაუბრეს.
წელს აჭარის ტურიზმის დეპარტამენტი ტურიზმის განვითარების მიზნით ბევრი მნიშვნელოვანი პროექტის განხორციელებას გეგმავს, მათ შორის რამდენიმე ახალია - ტურიზმის განვითარების სკოლა, გიდების პრაქტიკული სახელმძღვანელო, ტურიზმის სექტორის აღწერა და რეგიონის რეკლამირება უკვე 17 სამიზნე ქვეყანაში.
აღნიშნული პროექტები საბოლოო ჯამში ხელს შეუწყობს რეგიონის ცნობადობის გაზრდას, სერვისისა და ანალიტიკური შესაძლებლობების გაუმჯობესებას.
შეხვედრის ბოლოს მხარეები ურთიერთთანამშრომლობასა და კოორდინირებულ მუშაობაზე შეთანხმდნენ", - აღნიშნულია ქობულეთის გამგეობის მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.