უკრაინის საგანგებო სიტუაციების სამსახურის უფროსი სერგეი ბოჩოვსკი და მისი მოადგილე ბასილ სტოეცკი დღეს, მთავრობის სხდომაზე დააკავეს.
მათ ბრალი თანამდებობის ბოროტად გამოყენებასა და დეპარტამენტში კორუფციული სქემების ჩამოყალიბებაში ედებათ.
მაღალჩინოსნები მთავრობის სხდომიდან ხელბორკილებით გაიყვანეს.
უკრაინის პრემიერ-მინისტრის არსენ იაცენუკის განცხადებით, დაკავების ასეთი ფორმა არა სპექტაკლი, არამედ პრევენციული ღონისძიებაა.
„ეს დადგმული სპექტაკლი არ არის – ეს „ვაქცინაცია“ (პრევენციული ღონისძიებაა) და ასეთი საჯაროობა საჭიროა“, – განაცხადა იაცენუკმა.
წინასწარი გამოძიებით დადგენილია, რომ დაკავებულების მიერ კორუფციული გარიგებები სახელმწიფო შესყიდვების ნაწილში ხდებოდა.
როგორც მთავრობის სხდომაზე შსს-ს წარმომადგენელმა განაცხადა, დაკავებულებს ბრალი 208 მუხლით წარედგინათ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.