30-ზე მეტი ადამიანია მოკლული და სხვა 50 დაჭრილი ქაბულის ყველაზე დიდ სამხედრო საავადმყოფოში მომხდარი თავდასხმის შედეგად. ინფორმაციას BBC ავღანეთის ოფიციოზზე დაყრდნობით ავრცელებს.
ექიმების ფორმებში ჩაცმულმა მებრძოლებმა, რომლებიც ცეცხლსასროლი იარაღებით და ყუმბარებით იყვნენ შეიარაღებულნი, შესასვლელამდე მიაღწიეს, მას შემდეგ რაც ერთ-ერთმა ასაფეთქებელი მოწყობილობა საავადმყოფოს ჭიშკართან აამოქმედა და შემდეგ ცეცხლი გაუხსნა თანამშრომლებს და პაციენტებს.
სადესანტო-დივერსიულმა რაზმებმა, მას შემდეგ რაც სარდარ დაუდის საავადმყოფოს სახურავზე ვერტმფრენით დაეშვნენ, რამდენიმესაათიანი ბრძოლების შედეგად ოთხივე თავდამსხმელი მოკლეს.
თავდასხმაზე პასუხისმგებლობა ეგრეთწოდებულმა „ისლამურმა სახელმწიფომ“ აიღო. „თალიბანმა“ უარყო რაიმე ჩართულობა.
პრეზიდენტმა აშრაფ განიმ განაცხადა, რომ 400-საწოლიან საავადმყოფოზე თავდასხმამ „ყველა ადამიანური ფასეულობა გადათელა“.
„ყველა რელიგიაში, საავადმყოფო მიჩნეულია, როგორც ხელშეუხებელი ადგილი და მასზე თავდასხმა არის მთელ ავღანეთზე თავდასხმა“, თქვა მან.
თავდასხმა ადგილობრივი დროით დილის 09:00 საათზე დაიწყო. საავადმყოფოს ერთ-ერთმა თანამშრომელმა, რომელმაც შეძლო გარეთ გამოსვლა, დაინახა, რომ თავდამსხმელს „თეთრი ხალათი ეცვა, კალაშნიკოვი ეკავა და ცეცხლს უხსნიდა ყველას, მათ შორის მცველებს, პაციენტებს და ექიმებს“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.