ლევან იზორია საარტილერიო ბრიგადას: თქვენ ყოველთვის იდექით წინა ხაზზე, როდესაც ქართველ ჯარისკაცს გადამწყვეტი სიტყვა უნდა ეთქვა ომში
15-03-2017, 07:33

შრიფტის ზომა: [ A+ ] / [ A- ]

 

ქართული არტილერიის 25 წლის იუბილესთან დაკავშირებით თავდაცვის მინისტრი ლევან იზორია ხონში, სახმელეთო ჯარების დასავლეთ სარდლობის II საარტილერიო ბრიგადას ეწვია.

 

 

უწყების ცნობით, მინისტრთან ერთად, ქართველი არტილერისტებისთვის პროფესიული დღის მისალოცად ხონში შეიარაღებული ძალების გენერალური შტაბის უფროსი, ბრიგადის გენერალი ვლადიმერ ჩაჩიბაია და მინისტრის მოადგილე ნუკრი გელაშვილი ჩავიდნენ. ღონისძიებას დაესწრნენ ასევე, სამხედრო მოსამსახურეების ოჯახის წევრები, გენერალ გიორგი კვინიტაძის სახელობის კადეტთა სამხედრო ლიცეუმის პირადი შემადგენლობა და ხონის N3 საჯარო სკოლის დამამთავრებელი კლასის მოსწავლეები.

 


სამწყობრო მოედანზე შეკრებილ არტილერისტებს თავდაცვის მინისტრმა და გენერალური შტაბის უფროსმა სიტყვით მიმართეს. თავდაცვის მინისტრმა არტილერიის მნიშვნელობაზე გაამახვილა ყურადღება და მოდერნიზების ფარგლებში არტილერიის განვითარების გეგმებსაც შეეხო.

 

 

ლევან იზორიას თქმით, საჰაერო თავდაცვასთან და ანტისატანკო დანაყოფების გაძლიერებასთან ერთად, არტილერიის მნიშვნელოვნად გაძლიერებაც მოხდება, რაც ნატოს სტანდარტების შესაბამისი აღჭურვილობით და ინფრასტრუქტურით უზრუნველყოფას გულისხმობს.

 


„არტილერია ერთ-ერთი მნიშვნელოვანი ცენტრალური დანაყოფია მთელს შეიარაღებულ ძალებში. თქვენ ყოველთვის იდექით წინა ხაზზე, როდესაც ქართველ ჯარისკაცს გადამწყვეტი სიტყვა უნდა ეთქვა ომში. დარწმუნებული ვარ, რომ თქვენ ამ სიტყვას მომავალშიც იტყვით, როდესაც ეს სამშობლოს დასჭირდება. ჩვენ ყველაფერი უნდა გავაკეთოთ იმისთვის, რომ შევინარჩუნოთ მშვიდობა, უსაფრთხოება და სტაბილურობა. ამის გარანტიაა ჩვენი მზადყოფნის მაღალი დონე. სწორედ, ამ მიზანს ემსახურება სტრატეგიულ პარტნიორთან ერთად დაწყებული - საქართველოს თავდაცვის მზადყოფნის პროგრამა. მისი მთავარი მიზანია, საქართველოს შეიარაღებული ძალები მათ შორის არტილერია გახდეს ნატოს სტანდარტების შესაბამისი, რათა აგრესორი სანამ გადაწყვეტს თავს დაესხას ქვეყანას, ჰქონდეს იმის საფუძველი, დაფიქრდეს, თუ რა დიდ ზიანს მიაყენებს საკუთარ თავს,“ განაცხადა ლევან იზორიამ სიტყვით მიმართვისას.

 

 

 

 

სამინისტროს ინფორმაციით, ღონისძიება დაჯილდოების ცერემონიალით გაგრძელდა. თავდაცვის მინისტრმა და გენერალური შტაბის უფროსმა სამხედრო მოსამსახურეებს უმწიკვლო სამსახურისთვის და უწყების განვითარებაში შეტანილი წვლილისთვის მედლები, საპატიო სიგელები და სამახსოვრო დაფა გადასცეს.

 


დღესვე, ბრიგადის სამწყობრო მოედანზე ღია კარის დღე გაიმართა, სადაც მოწვეულ სტუმრებს ქვედანაყოფში არსებული საარტილერიო ტექნიკისა და შეიარაღების დათვალიერების საშუალება ჰქონდათ.

 


პროფესიული დღე არტილერისტებმა ხონში პარალელურად ვაზინაში, I საარტილერიო ბრიგადაშიც აღნიშნეს.

 


1993 წლის 15 მარტს რუსეთის რეგულარული არმიის ნაწილებმა და აფხაზურმა შეიარაღებულმა ფორმირებებმა მდინარე გუმისთის გასწვრივ არსებულ 8-კმ-იან ფრონტის ხაზზე ფართომასშტაბიანი შეტევა დაიწყეს. 14 მარტიდან 16 მარტის ჩართვით სოხუმისკენ წამოსულ მტერს ქართულმა არტილერიამ გამანადგურებელი დარტყმა მიაყენა. დიდი მსხვერპლის გამო მოწინააღმდეგე ძალები იძულებული გახდნენ, უარი ეთქვათ შეტევაზე და უკან დაეხიათ. 15 მარტი ქართული არტილერიის დღედ, სწორედ ამ დღეებში მოპოვებული გამარჯვების გამო გამოცხადდა. კოალიციური ძალების შემადგენლობაში, ქართველ არტილერისტებს მნიშვნელოვანი წვლილი მიუძღვით ავღანეთში მიმდინარე საერთაშორისო ოპერაციის განხორციელებაში.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

გერმანიის კანცლერმა ანგელა მერკელმა დიდი ბრიტანეთის გეგმებს, უზრუნველყოს ევროკავშირის მოქალაქეების უფლებები ბრიტანეთში მას შემდეგ, რაც მისი ბლოკიდან გასვლა მოხდება, „კარგი დასაწყისი“ უწოდა. თუმცა, ამის მიუხედავად, მან თქვა, რომ „ბრექსიტთან“ დაკავშირებით „ძალიან, ძალიან ბევრი შეკითხვაა“ და „ჯერ კიდევ ბევრი რამაა გასაკეთებელი“.

ლონდონის პოლიციის განცხადებით, დედაქალაქის „გრინფილ თაუერში“ ხანძრის გაჩენის მიზეზი მაცივარი გახდა, კერძოდ, ცეცხლი მაცივრის საყინულეში გაჩნდა, და გარე გარსაკრავის იზოლაციის მასალამ ვერ უპასუხა უსაფრთხოების ზომებს.

ყველაზე კითხვადი
  1. „ვშიშობ, რომ საქართველოს გამთლიანება, დასავლეთის და რუსეთის „მორიგების პროცესის მიღმა დარჩება!“
  2. NATO-ს საპარლამენტო ასამბლეა მოუწოდებს რუსეთს უკან გაიწვიოს საქართველოს ოკუპირებული რეგიონების, როგორც დამოუკიდებელი ქვეყნების აღიარება და ამ ტერიტორიებიდან გაიყვანოს საკუთარი შეიარაღებული ძალები
  3. კახა კალაძე თბილისში გამართულ საპროტესტო აქციას ეხმაურება: „მიუღებელია, როცა ძალოვანი სტრუქტურის თანამშრომლის მხრიდან თუნდაც ეჭვის დონეზე უშვებ ნარკოტიკის ჩადების შესაძლებლობას“
  4. ლევან და გია ყარამანაშვილები: „ნიკა გვარამიას ხვალვე შეუძლია განაახლოს რუსთავი 2-ში თავისი უფლება-მოვალეობების შესრულება“
  5. კვირიკაშვილმა რუსეთის დუმის დეპუტატის, ნიკონოვის რეპლიკას - რუსეთი წინააღმდეგია საქართველო-უკრაინის NATO-ში ინტეგრაციის - უპასუხა: „რომელ ქვეყანაზე ლაპარაკობს რუსეთი?“
  6. აშშ-ის სახელმწიფო დეპარტამენტი დაჟინებით მოუწოდებს საქართველოს, რომ თბილისში გატაცებული აფგან მუხტარლის საქმის გამოძიება სრულად, გამჭვირვალედ და დროულად ჩაატაროს
  7. ვლადიმერ პუტინმა განაცხადა, რომ რუსეთის 2018 წლის საპრეზიდენტო არჩევნებში მისი მონაწილეობის შესახებ საუბარი ჯერ ნაადრევია
  8. ზაქარია ენდელაძე: „ათეულობით მილიონ ლარზე მეტი დაფინანსებაა წამოსული ადიგენის მიმართულებით - მუნიციპალიტეტს აუცილებლად მოელის ძალიან დიდი განვითარება“
  9. სალომე ზურაბიშვილი: „პოლიციაში და სხვაგან, ნაციონალები თავიანთ ბოლო სვლებს ახორციელებენ“
  10. ზაალ უდუმაშვილმა უკრაინაში სააკაშვილთან შეხვედრის შემდეგ განაცხადა, რომ მან „ნაციონალური მოძრაობის“ თბილისის მერობის კანდიდატობაზე მიიღო შეთავაზება
ბოლო სიახლეები
ამინდის პროგნოზი
ვალუტის კურსი