„ევროპული საქართველო" ხელისუფლებას საკონსტიტუციო ცვლილებების საბოლოო დამტკიცებამდე, პრეზიდენტის არჩევის წესთან და პროპორციულ სისტემაზე გადასვლასთან დაკავშირებით, პლებისციტის ჩატარებას სთავაზობს.
აღნიშნულთან დაკავშირებით, საგანგებო განცხადება პარტიის ლიდერმა, დავით ბაქრაძემ გააკეთა.
„ევროპული საქართველოს" ინიციატივაა, საკონსტიტუციო ცვლილებების ორ მთავარ საკითხზე - პრეზიდენტის პირდაპირი არჩევნების თემასა და საპარლამენტო არჩევნების სისტემაზე ჩატარდეს პლებისციტი, სადაც ქართველი ხალხი დააფიქსირებს საკუთარ აზრს, სურს თუ არა მას პრეზიდენტის არჩევის უფლება და როგორი პარლამენტი უნდა ჰყავდეს საქართველოს", განაცხადა ბაქრაძემ.
მისი თქმით, იმ შემთხვევაში თუ ხელისუფლება პლებისციტს არ ჩაატარებს, „ევროპული საქართველო" პლებისციტის დანიშვნის მოთხოვნით დაიწყებს ხელმოწერების შეგროვებას.
„თუ ხელისუფლებას არ ეყოფა პოლიტიკური ვაჟკაცობა, რომ აზრი ჰკითხოს ქართველ ხალხს, ევროპული საქართველო აცხადებს მზადყოფნას დაიწყოს პოლიტიკური კონსულტაციები პოლიტიკურ პარტიებთან და პრეზიდენტთან, ხელმოწერების შეგროვების მიზნით. რა თქმა უნდა, პლებისციტის შემთხვევაში, ამ ხელმოწერებს არ ექნება იურიდიული ძალა, მაგრამ ეს იქნება მკაფიო პოლიტიკური განაცხადი იმის თუ რა სურს და რას ელოდება ქართველი ხალხი,“ აღნიშნა დავით ბაქრაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.