აშშ-ის სანაპირო დაცვის აკადემიაში საქართველოს შეიარაღებული ძალების კადეტების, ბესარიონ გორჯოლაძისა და სოსო მაკარიძის ხსოვნისადმი მიძღვნილი ცერემონიალი გაიმართა, რომელსაც აშშ-ის შიდა უსაფრთხოების დეპარტამენტის მდივანი ჯეი ჯონსონი, კადეტთა ოჯახის წევრები და აშშ-ის სანაპირო დაცვის მეთაური, ადმირალი პოლ ზუკუნფტი დაესწრნენ.
აშშ-ის დიპლომატიური მისია კიდევ ერთხელ უსამძიმრებს კადეტების – გორჯოლაძისა და მაკარიძის ოჯახებს, მეგობრებსა და კოლეგებს.
საქართველოს საგარეო საქმეთა სამინისტროს პრესსამსახურის ინფორმაციით, ღონისძიებას ნიუ-ორკში საქართველოს გენერალური კონსული და ასევე ამერიკის შეერთებულ შტატებში საქართველოს დესპანი და სამხედრო ატაშე დაესწრნენ.
ღონისძიებაზე დასასწრებად აკადემიის ადმინისტრაციამ სპეციალურად საქართველოდან სოსო მაკარიძისა და ბესიკ გორჯოლაძის მშობლებიც მიიწვია, რომლებიც ამერიკაში გამართულ ღონისძიებას დაესწრნენ.
2015 წლის 7 მარტს ქართველი კურსანტები: სოსო მაკარიძე და ბესიკ გორჯოლაძე ნიუ-ჯერსიში ავტოავარიის შედეგად დაიღუპნენ. სამხედრო კურსანტები საქართველოში 12 მარტს ჩამოასვენეს და იმავე დღეს ქაშუეთის ეკლესიაში გადაასვენეს, სადაც სამოქალაქო პანაშვიდი გაიმართა. სამხედრო კურსანტები სამშობლოში სამხედრო პატივით დაკრძალეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.