საქართველოს შეიარაღებულ ძალებს სატანკო და მექანიზირებული უმცროს ოფიცერთა სპეციალიცაზიის კურსდამთავრებული ოფიცრები შეემატა. თავდაცვის სამინისტროს ცნობით, სამხედრო მოსამსახურეებს კურსის წარმატებით დასრულება წვრთნებისა და სამხედრო განათლების სარდლის მოვალეობის შემსრულებელმა, პოლკოვნიკმა როინ ფაილოძემ მიულოცა და მომავალ საქმიანობაში წარმატებები უსურვა, ინსტრუქტორებს კი მათი სათანადოდ მომზადებისთვის მადლობა გადაუხადა.
პოლკოვნიკმა როინ ფაილოძემ საერთო საჯარისო ცენტრის მეთაურთან, ვიცე-პოლკოვნიკ იროდი ქადაგიშვილთან და მანევრის სკოლის მეთაურთან, ვიცე-პოლკოვნიკ გოჩა ბერაძესთან ერთად, კურსდამთავრებულებს დიპლომები გადასცა. შვიდთვიანი კურსის ფარგლებში, სატანკო უმცროს ოფიცერთა კურსის მსმენელებმა ტაქტიკური და საცეცხლე მომზადების, საინჟინრო მომზადებისა და ქვედანაყოფების მართვის პროცედურები შეისწავლეს და საბრძოლო სროლებისთვის საჭირო უნარ-ჩვევები გაიღრმავეს. სწავლება თეორიული და პრაქტიკული სავარჯიშოების ფონზე, ტანკი ტ-72-სა და სასწავლო ტრენაჟორზე მიმდინარეობდა. ოცეულის დონეზე ტაქტიკური მომზადების, ასევე საბრძოლო გასროლებით საცეცხლე მომზადების სპეციფიკას დაუფლნენ მექანიზირებულ უმცროს ოფიცერთა კურსის მონაწილეები. მათ რთულ რელიეფურ და მეტეოროლოგიურ პირობებში ქვეითი საბრძოლო მანქანებითა და ჯავშანტრანსპორტიორით გადაადგილების უნარები განავითარეს. საერთო საჯარისო ცენტრის მანევრის სკოლის სატანკო და მექანიზირებულ უმცროს ოფიცერთა კურსები 2016 წლის ოქტომბერში დაიწყო და დღეს დასრულდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.