საქართველოში სამუშაო ვიზიტად ნორვეგიის სამეფოს შიდა გვარდიის დელეგაცია იმყოფება. თავდაცვის სამინისტროს ცნობით, დღეს დელეგაციის წევრები, პოლკოვნიკ ბორნ სილებარტენის ხელმძღვანელობით, საქართველოს შეიარაღებული ძალების ეროვნულ გვარდიას ეწვივნენ.
ნორვეგიელმა სამხედროებმა ეროვნული გვარდიის უფროსთან, ბრიგადის გენერალ ლევან გამყრელიძესთან და ეროვნული გვარდიის შტაბის წარმომადგენლებთან გამართეს შეხვედრა.
ბრიგადის-გენერალმა ლევან გამყრელიძემ ნორვეგიელ კოლეგებს რეზერვის სისტემის რეფორმირების პროცესი გააცნო. მხარეებმა თანამშრომლობის საკითხებიც განიხილეს და სამომავლო გეგმები დასახეს.
უწყების ინფორმაციით, 2017 წლის შემოდგომაზე, ნორვეგიელი კოლეგების დახმარებით, ეროვნული გვარდიის მე-10 და მე-20 კადრირებული ბრიგადების ასმეთაურები და ოცმეთაურები ტაქტიკურ სწავლებას გაივლიან.
საქართველოს ეროვნული გვარდია ნორვეგიის შიდა გვარდიასთან უკვე ოთხი წელია თანამშრომლობს, რომლის ფარგლებშიც რამდენიმე ერთობლივი სამეთაურო-საშტაბო სწავლებაც ჩატარდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.