საქართველოს პრემიერ მინისტრის, გიორგი კვირიკაშვილი ამერიკის შეერთებული შტატების კომერციის მდივან უილბურ როსს შეხვდა. შეხვედრაზე საუბარი შეეხო საქართველო-აშშ-ს შორის სავაჭრო-ეკონომიკურ ურთიერთობებს და ამ მიმართულებით თანამშრომლობის გაღრმავებას.
პრემიერ მინისტრის პრესსამსახურის ცნობით, შეხვედრაზე ყურადღება გამახვილდა საქართველოში არსებულ დადებით ბიზნესგარემოზე, სახელმწიფოსა და კერძო სექტორებს შორის აქტიურ თანამშრომლობაზე. ითქვა, რომ ქვეყანა საერთაშორისო რეიტინგენში პოზიტიურ პოზიციებს იკავებს.
შეხვედრაზე აღინიშნა, რომ ანაკლიის ღრმაწლოვანი პორტის პროექტის განვითარებისთვის მნიშვნელოვანია ამერიკული კომპანიების მონაწილეობა.
საუბარი ასევე შეეხო საქართველოს ტურისტულ პოტენციალს და სასტუმრო ბიზნესით ამერიკული კომპანიების დაინტერესებას.
შეხვედრაზე ხაზი გაესვა აშშ-ის მტკიცე მხარდაჭერას საქართველოს ძალისხმევისადმი - გარდაიქმნას ბიზნესის, ვაჭრობისა და ლოჯისტიკის რეგიონულ ცენტრად.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.