საქართველოს თავდაცვის მზადყოფნის პროგრამის (GDRP), ადამიანური რესურსების მართვისა და განათლების საკითხებში ამერიკელ მრჩეველთა ჯგუფი საქართველოში ოთხდღიან სამუშაო ვიზიტად იმყოფება.
მრჩევლების ჯგუფს საქართველოს თავდაცვის მინისტრის პირველმა მოადგილემ, ლელა ჩიქოვანმა და შეიარაღებული ძალების გენერალური შტაბის უფროსის პირველმა მოადგილემ, პოლკოვნიკმა ნიკოლოზ ჯანჯღავამ უმასპინძლეს.
დასკვნით შეხვედრას წვრთნებისა და სამხედრო განათლების სარდალი, პოლკოვნიკი მალხაზ მაკარიძე, ასევე თავდაცვის უწყების სხვადასხვა დეპარტამენტის წარმომადგენლები დაესწრნენ.
თავდაცვის უწყების ცნობით, ამერიკელმა მრჩევლებმა საქართველოს თავდაცვის მზადყოფნის პროგრამით გათვალისწინებული ღონისძიებები, ასევე ადამიანური რესურსების მართვის კუთხით განხორციელებული რეფორმები დადებითად შეაფასეს და ქართულ მხარეს გამოცდილება გაუზიარეს. შეხვედრაზე აღინიშნა, რომ სტრატეგიული პარტნიორი ქვეყნის მრჩეველთა ჯგუფის მხარდაჭერით თავდაცვის სამინისტროში მნიშვნელოვანი რეფორმები განხორციელდა.
დღესვე, ამერიკელი მრჩეველი, დოქტორ ბერნარდ როსტკერი თავდაცვის სამინისტროს უწყებრივი მედლით - „გენერალი კვინიტაძე“ დაჯილდოვდა.
ამერიკელ მრჩეველთა ჯგუფი თავდაცვის უწყებასთან 2009 წლიდან თანამშრომლობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.