საბერძნეთის ყველაზე ცნობილი ვეტერანი პოლიტიკოსი, ქვეყნის ყოფილი პრემიერ მინისტრი კონსტანტინ მიცოტაკისი ორშაბათს გარდაიცვალა. იგი 98 წლის იყო.
გარდაცვალებისას იგი „გარემოცული იყო ადამიანებით, რომლებიც მას უყვარდა და რომლებსაც ის უყვარდათ“, ნათქვამია ოჯახის მოკლე განცხადებაში, რომელიც ათენის ნახევრად ოფიციალურმა სააგენტომ გაავრცელა.
მიცოტაკისი, რომლის პოლიტიკური კარიერა ნახევარ საუკუნეზე მეტ ხანს გაგრძელდა, საბერძნეთის პრემიერ მინისტრის პოსტზე 1990-დან 1993 წლამდე მსახურობდა.
„როიტერსის“ ცნობით, 1918 წლის ოქტომბერში კრეტაში დაბადებული მიცოტაკისი პირველად პარლამენტში 28 წლის ასაკში აირჩიეს, როგორც „ლიბერალური პარტიის“ წევრი. სამართლის და ეკონომიკის დიპლომიანი პოლიტიკოსი რამდენიმე სამინისტროს ხელმძღვანელობდა, სანამ 1984 წელს კონსერვატიული „ახალი დემოკრატიის პარტიის“ ლიდერი გახდებოდა.
ოთხი შვილის მამა, მიცოტაკისი პარლამენტიდან 2004 წელს წავიდა, მაგრამ „ახალი დემოკრატიის პარტიის“ საპატიო პრეზიდენტად დარჩა.
„ახალი დემოკრატიის პარტიის“ ამჟამინდელი თავმჯდომარე მისი ვაჟი, კირიაკოსია. აღნიშნული პარტია ახლა საბერძნეთში მთავარი ოპოზიციური პოლიტიკური ძალაა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.