გერმანელმა დიპლომატებმა დღეს ქართველი სამხედრო მოსამსახურე, კაპიტანი ლევან შუბითიძე ბუნდესვერის ბრინჯაოს მედლით დააჯილდოვეს. საქართველოში გერმანიის ფედერაციული რესპუბლიკის ელჩმა ჰაიკე ფაიჩმა და ატაშემ, ვიცე-პოლკოვნიკმა ფრანც-იოსეფ ნოლთემ ქართველ სამხედროს ჯილდო 2016 წელს ავღანეთში, მაზარ-ი-შარიფში ბაზა „მარმალზე“, „მტკიცე მხარდაჭერის“ მისიის წარმატებით შესრულებისთვის გადასცეს.
დაჯილდოების ცერემონიალს საქართველოს თავდაცვის მინისტრის პირველი მოადგილე ლელა ჩიქოვანი და შეიარაღებული ძალების გენერალური შტაბის უფროსის პირველი მოადგილე, პოლკოვნიკი ნიკოლოზ ჯანჯღავა დაესწრნენ.
2016 წლის იანვრიდან-ივლისის ჩათვლით, კაპიტანი ლევან შუბითიძე ავღანეთში, მაზარ-ი-შარიფში, გერმანული სარდლობის დაქვემდებარებაში, საქართველოს შეიარაღებული ძალების III ქვეითი ბრიგადის 32-ე ბატალიონის „ბრავო“ ასეულის მეთაურად მსახურობდა. ქართველი სამხედრო საქართველოს შეიარაღებული ძალებში განათლების სარდლობის კაპიტნის სკოლის დაგეგმარების უფროსი ოფიცრია.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.