7 ადამიანია მოკლული ცენტრალურ ლონდონში მომხდარი ტერორისტული თავდასხმისას, რომელში მონაწილე სამი თავდამსხმელიც პოლიციამ ცეცლსასროლი იარაღით მოკლა, განაცხადა Scotland Yard-მა.
BBC-ის ცნობით, თეთრი ფურგონი ადგილობრივი დროით საღამოს 10:00 საათის შემდეგ London Bridge-ზე რამდენიმე ფეხით მოსიარულეს დაეტაკა. ამის შემდეგ სამმა მამაკაცმა დატოვა სატრანსპორტო საშუალება და ცივი იარაღით რამდენიმე ადამიანს ჭრილობები მიაყენა ხიდის სამხრეთით მდებარე Borough Market-ში, რომელიც თავისი რესტორნებით და ბარებითაა ცნობილი.
პოლიციის შეიარაღებულმა ოფიცრებმა თავდამსხმელების ლიკვიდაცია 8 წუთის განმავლობაში მოახდინეს.
ლონდონის სასწრაფო დახმარების სამსახურის განცხადებით, სულ მცირე 30 ადამიანი იქნა გადაყვანილი საავადმყოფოში.
დედაქალაქის პოლიციის კომისრის თანაშემწემ მარკ როულიმ განაცხადა: ეჭვმიტანილები ჩანდა, რომ ასაფეთქებელ ჟილეტებს ატარებდენ, მაგრამ მოგვიანებით გაირკვა, რომ თაღლითობას ჰქონდა ადგილი“.
მან აღნიშნა, რომ ამ ეტაპზე არსებული მონაცემებით, ინციდენტში მხოლოდ სამი თავდამსხმელი იყო ჩართული.
ბრიტანეთის სატრანსპორტო პოლიციამ განაცხადა, რომ მისმა ერთ-ერთმა ოფიცერმა სერიოზული დაზიანება მიიღო, როცა ინციდენტზე საპასუხო ქმედებისას თავდამსხმელებმა იგი ცივი იარაღით დაჭრეს, მაგრამ უწყებას არ უთქვამს, რომ პოლიციელის ჯანმრთელობის მდგომარეობა სიცოცხლესთან არის შეუთავსებელი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.