რუსეთში, ტვერსკის ოლქში მდებარე დასახლებაში მამაკაცმა 8 ადამიანი ჩაცხრილა. თავდასხმაში ეჭვმიტანილი დაკავებულია და აღძრულია სისხლის სამართლის საქმე, განაცხადა საგამოძიებო უწყების ოფიციალურმა პირმა სვეტლანა პეტრენკომ.
„ტვერსკის ოლქის საგამოძიებო სამსახურის მიერ აღძრულია სისხლის სამართლის საქმე 8 ადამიანის - ორი ქალის და 6 მამაკაცის - მკვლელობის ფაქტთან დაკავშირებით“, განაცხადა პეტრენკომ, როგორც ამას რუსული საინფორმაციო სააგენტო „რია ნოვოსტი“ წერს.
მასობრივი მკვლელობა კონაკოვსკის რაიონის სოფელ რედკინოს მებაღეობის ამხანაგობის ერთ-ერთ ღონისძიებაზე საყოფაცხოვრებო კონფლიქტის შედეგად მოხდა. კონფლიქტის ერთ-ერთმა მონაწილემ „სახლიდან იარაღი გამოიტანა და მასზე მოძალადეები და მოწმეები ჩაცხრილა“.
დანაშაულში ეჭვმიტანილი დაკავებულია და უახლოეს დროში საგამოძიებო ქმედებები იქნება განხორციელებული.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.