ირანის სულიერი ლიდერი, აიათოლა ალი ხამენეი აცხადებს, რომ საერთაშორისო "ექვსეულთან" ბირთვული პროგრამის შესახებ შეთანხმების გაფორმების გარანტია არ არსებობს. "შესაძლებელია, რომ არასაიმედო მხარეს - საერთაშორისო "ექვსეულს" სურს ჩვენი ქვეყანა შეზღუდოს. არასოდეს ვყოფილვარ ამერიკასთან შეთანხმების მიმართ ოპტიმისტურად განწყობილი", - განაცხადა აიათოლა ალი ხამენეიმ.
ირანის სულიერი ლიდერის განცხადებას წინ უძღოდა ირანის პრეზიდენტის, ჰასან რუჰანის კომენტარი, სადაც მან აღნიშნა, რომ თეირანი საერთაშორისო "ექვსეულთან" ხელს არ მოაწერს შეთანხმებას, თუ დასავლეთი ირანის წინააღმდეგ სანქციებს არ გააუქმებს. ვაშინგტონი კი სანქციების გაუქმებას ირანის მიერ პირობის შესრულების შემთხვევაში აპირებს.
"აშშ-ის პოზიცია არასოდეს ყოფილა ირანის წინააღმდეგ დაწესებული ყველა სანქციის ერთდროულად, პირველივე დღიდან გაუქმება", - განაცხადა თეთრი სახლის პრეს-სპიკერმა, ჯოშ ერნესტმა.
მოლაპარაკებები ექვსეულსა (აშშ, დიდი ბრიტანეთი, საფრანგეთი, გერმანია, რუსეთი და ჩინეთი) და ირანის ისლამურ რესპუბლიკას შორის 2 აპრილს შვეიცარიაში დასრულდა. მხარეებმა ჩარჩო-შეთანხმებას მიაღწიეს, რომელიც თეირანის მიერ ურანის გამდიდრების პროცესის შემცირებას და დასავლეთის მიერ სანქციების მოხსნას ითვალისწინებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.