7 უკრაინელი ჯარისკაცია მოკლული პრო-რუსი მებრძოლების მიერ უკრაინის აღმოსავლეთში სამი დღის წინათ განახლებული ბრძოლების შედეგად. ინფორმაციას უკრაინის სამხედრო ძალები ავრცელებს.
სააგენტო AFP-ის ცნობით, ოთხი ჯარისკაცი შაბათს იქნა მოკლული, ორი კვირას და ერთი ორშაბათს - ივნისის დასაწყისიდან კი მსხვერპლი სულ 14-ს შეადგენს.
„დაძაბულობა 2-3 კვირის წინათ დაიწყო, მტერი მძიმე შეიარაღებას აგზავნის ფრონტის წინა ხაზის პოზიციებზე, რაც სამშვიდობო შეთანხმების დარღვევაა“, განუცხადა ჟურნალისტებს არმიის წარმომადგენელმა ანდრეი ლისენკომ.
2014 წლის აპრილიდან მოყოლებული, მას შემდეგ რაც აღმოსავლეთ უკრაინაში პრო-რუსული ძალების ამბოხება დაიწყო, 10, 000-ზე მეტი ადამიანი დაიღუპა.
შეერთებულმა შტატებმა და ევროკავშირმა რუსეთს სანქციები დაუწესა, მაგრამ კრემლი უარყოფს აჯანყებულების მხარდაჭერას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.